6 years ago
August 12, 2018
रियो (एजेन्सी) – सुपरस्टार पेलेले ब्राजिलियन जोडी एलिस्सन र फिर्मिनोले लिभरपुललाई प्रिमियर लिग जिताउन भूमिका खेल्ने धारणा राखेका छन् । सन् १९८९/९० को सिजनपछि लिभरपुलले प्रिमियर लिग जित्न सकेको छैन। जर्गेन क्लोप्पको प्रशिक्षणमा रहेको टोलीले गोलरक्षक एलिसन र नाबी केइटा, फाबिन्होसँगै साकिरीलाई भित्र्याएर आफुलाई मजबुत गर्ने प्रयास गरेको छ । एलिसनको आगमनसंगै लिभरपुलमा एकपटक पुनः […]
रियो (एजेन्सी) – सुपरस्टार पेलेले ब्राजिलियन जोडी एलिस्सन र फिर्मिनोले लिभरपुललाई प्रिमियर लिग जिताउन भूमिका खेल्ने धारणा राखेका छन् । सन् १९८९/९० को सिजनपछि लिभरपुलले प्रिमियर लिग जित्न सकेको छैन।
जर्गेन क्लोप्पको प्रशिक्षणमा रहेको टोलीले गोलरक्षक एलिसन र नाबी केइटा, फाबिन्होसँगै साकिरीलाई भित्र्याएर आफुलाई मजबुत गर्ने प्रयास गरेको छ । एलिसनको आगमनसंगै लिभरपुलमा एकपटक पुनः दुई ब्राजिलियन खेलाडी भएका छन् । यसअघि फिलिप कौटिन्होले टोली छाडेपछि ब्राजिलियन फिर्मिनो मात्र लिभरपुलमा रहेका थिए।
यस सिजनको खेलाडी ट्रान्सफर विन्डोमा लिभरपुलले सबैभन्दा धेरै रकम खर्चिएको थियो । पछिल्लो सिजन चौथो स्थानमा प्रिमियर लिगको अन्त्य गरेको लिभरपुलले च्याम्पियन म्यानचेस्टर सिटीको तुलनामा २५ अंक कम जोडेको थियो । यद्दपी यो सिजनमा भने दुई ब्राजिलियन खेलाडी एलिसन र फिर्मिनोको आगमनले लिभरपुललाई लिग जिताउने बुझाइ पेलेले राखेका छन् ।
सामाजिक संजाल ट्वीटरमा पेलेले लेखेकाछन्, प्रिमियर लिगको सुरुवात भएको छ। कसले जित्ला त यसपटक ? तपाइंलाई के लाग्छ ? मलाई लाग्छ यो लिभरपुल, एलिसन र फिर्मिनोको बर्ष हो । यसअघि पेलेले गरेका भविष्यबाणी भने धेरै पटक गलत साबित भएका छन् ।
उनले सन् २००० भन्दा अघि नै अफ्रिकी टोलीले विश्वकप जित्ने दाबी गरेका थिए। यस्तै निल लम्पटेलाई नयाँ पेलेको उपनाम समेत दिएका थिए । २००२ विश्वकपमा पेलेले अर्जेन्टिना र फ्रान्सलाई फाइनल पुग्ने दुई टोलीको अनुमान गरेपनि दुवै टोली सो प्रतियोगिताको समूह चरणबाट नै बाहिरिएका थिए । लिभरपुलले यो सिजन प्रिमियर लिगको सुरुवात वेस्ट ह्याम विरुद्धको खेलबाट गर्दैछ ।
April 28, 2024
एजेन्सी – इंग्लिस प्रिमियर लिगमा लगातार चौथो पटक उपाधि जित्ने लक्ष्यमा रहेको म्यानचेस्टर सिटीले आइतबार जित दर्ता गरेको छ । सिटी ग्राउण्डमा भएको खेलमा म्यानचेस्टर सिटीले नटिङ्घम फरेस्टलाई २–० ले पराजित गर्दै उपाधिको आशा कायमै राखेको हो । सिटीको जितमा डिफेन्डर जोस्को ग्भार्डियोल र दोस्रो हाफमा मैदान प्रवेश गरेका स्ट्राइकर एर्लिङ हालान्डले एक-एक गोल गरे […]
April 28, 2024
हिमाल खरेल, मेचीनगर झापाको बुद्धशान्तिमा जारी तेस्रो आदर्श च्यालेन्ज कपमा पाहुना टोली नर्थ बंगाल एफसी भारतलाई ३–१ ले हराउँदै बिर्तामोड युनाइटेड एफसी सेमिफाइनलमा प्रवेश गरेको छ । बिर्तामोडको जितमा आशिष चापागाईंले ह्याट्रिक पूरा गरे । पहिलो हाफको इन्ज्युरी समयमा गोल गर्दै बिर्तामोडले अग्रता लिएको थियो । मध्यभागबाट बिर्तामोडका डिफेन्डर देवेन्द्र तामाङले गरेको फ्रिकिकलाई हेडमार्फत अभिषेक […]
April 28, 2024
काठमाडौं (हाम्रो खेलकुद) – सहिद स्मारक सि डिभिजन लिगमा आईतवार महावीर क्लब विजयी भएको छ । सातदोबाटो स्थित एन्फा कम्प्लेक्समा भएको दिनको पहिलो खेलमा महावीर क्लबले स्पोर्ट्स एकेडेमी साँगा माथि १-० को जित दर्ता गरेको हो । महावीरका लागि सन्दिप श्रेष्ठले ६७औं मिनेटमा पेनाल्टी मार्फत गरेको गोल नै निर्णायक बन्यो । जित सँगै महावीर क्लब […]