एजेन्सी – सन् २०१८ मात्र भएपनि अहिले नै सन् २००० पछि जन्मिएका खेलाडीहरुको बाहुल्यता बढ्न थालिसकेको छ । फुटबलमा भएको यो प्रगति हेर्न रमाइलो रहेको छ । दुई वर्ष अघि मोइज किन सन् २००० मा जन्मिएर युरोपको शीर्ष चार मध्यका लिगमा डेब्यु गर्ने पहिलो खेलाडी बनेका थिए । तर अहिलेभने रायन सेस्सेगनन, जेडन सान्चो जस्ता खेलाडीहरु प्रिमियर लिगमा नियमित खेलाडी बनिसकेका छन् ।

यी हुन् ५ उत्कृस्ट खेलाडी जो २० औं शताब्तीको अन्त्यमा जन्मिएका थिए :

५) मोइज किन (जुभेन्ट्स / इटली) – १०.८० मिलियन युरो

सन् २०१६ को नोभेम्बरमा इटलीका युवा स्ट्राइकर मोइज किन सन् २००० भन्दा यता जन्मिएर युरोपका शीर्ष ४ लिगमा डेब्यु गर्ने पहिलो खेलाडी बने । १६ बर्षीय उनले पेस्काराविरुद्धको खेलमा युभेन्ट्सका लागि ८४ औं मिनेटमा खेल मैदान प्रवेश गरे । त्यसकै तीन दिनपछि पुन: उनले च्याम्पियन्स लिगमा समेत सेभिल्ला बिरुद्ध खेलको ८४ औं मिनेटमा नै डेब्यु गरे।

सो सिजन उनले लिगको अन्तिम खेलमा बोलोग्नाविरुद्ध खेल जिताउन गोल समेत गरेका थिए । अर्को सिजन उनि ऋणमा हेलास भेरोनाको टोलीमा सरुवा भए र १९ खेल खेल्दै टोलीका लागि ४ गोल समेत गरे । यस सिजन भने इटालियन महारथी युभेन्ट्सले किनलाई क्लबमै राखेको छ ।

४) जेडन सान्चो (बोरुसिया डर्टमुन्ड / इंग्ल्याण्ड) – १८ मिलियन युरो

सन् २०१५ को मार्चमा सान्चो वार्टफर्ड एकेडेमी छाडेर ६६ हजार युरोमा म्यानचेस्टर सिटीसँग जोडिन पुगे । तर उनलाई सिटीले थप सम्झौता नगरेपछि उनलाई टोलीबाट बिदा दिइयो । त्यसपश्चात उनी जर्मन टोलि बोरुसिया डर्टमुन्ड पुगे । सन् २०१७-१८ को सिजनमा उनले चोटका कारण धेरै खेल गुमाए । यस सिजन भने उनले डर्टमुन्डको सिनियर टोलीमा खेल्न थालिसकेका छन् ।

३) पौलिन्हो (बायर लेभेरकुसेन / ब्राजिल) – २२.५ मिलियन युरो

सन् २०१७ मा भास्को डा गामाको टोलीमा बढुवा भएसंगै उनले सुरुवातमा नै छाप छोड्न सफल रहे । आफ्नो १७ औं जन्मदिनको दुई दिन अघि डेब्यु गर्दा उनी क्लबका लागि डेब्यु गर्ने कान्छा खेलाडी बनेका थिए । ब्राजिलियन ए सिरिजमा गोल गर्ने कान्छा खेलाडी बन्न उनलाई थप ११ दिनमात्र लाग्यो । यस सिजन समेत क्लबले पौलिन्होबाट धेरै आशा राखेको छ । उनले ब्राजिलको यू-१७ टोलीबाट उत्कृष्ट प्रदर्शन गरेका थिए । सन् २०१७ को यूु-१७ विश्वकप ब्राजिलले हात पार्दा उनको भूमिका महत्त्वपूर्ण थियो ।

२) भिनिकियस जुनियर (रियल म्याड्रिड / ब्राजिल) – ३१.५० मिलियन युरो

आफ्नो पहिलो क्लब सम्झौता मात्र १० वर्षमा पाएका जुनियरले ब्राजिलको यू-१५ र यू-१७ बाट उत्कृष्ट प्रदर्शन गरेका थिए । सन् २०१६ जुलाईमा १६ बर्ष पुगेका उनलाई फ्लामेंगोले आफ्नो टोलीमा सामिल गर्यो । अर्को सिजन रियल म्याड्रिडले उनलाई ४० मिलियन युरो चुकाउन्दै टोलीमा ल्यायो । जुलाई २०१८ बाट उनी रियलको सदस्य बने । रियलमा उनी बस्ने पक्का भएपनि ए टिमबाट खेल्न पाउने सम्भावना न्यून रहेको छ । उनले अहिले बी टिममा राम्रो छाप बसाईरहेका छन् ।

१) रायन सेस्सेगनन् (फुल्ह्याम / इंग्ल्याण्ड) – ३१.५० मिलियन युरो

यो सुचिमा रहका सायदै सबैभन्दा व्यवसायिक खेलाडी हुन् रायन । मात्र १६ बर्षको उमेरमा उनी २०१६/१७ को सिजनबाट नै फुल्ह्यामको नियमित खेलाडी बने । उनले फुल्ह्यामलाई प्रिमियर लिगमा ल्याईपुर्याउन ठुलो योगदान दिए । उनलाई प्रतियोगिताको उत्कृष्ट खेलाडी समेत घोषणा गरिएको थियो । अबको सिजनमा फुल्ह्यामका लागि रयानको यात्रा सजिलो भने हुने छैन । शीर्ष लिगमा उनले नियमित राम्रो प्रदर्शन गर्न चुनौती खेप्नु पर्नेछ ।