एजेन्सी – फुटबल इतिहासमा बार्सिलोना सबैभन्दा ठुलो क्लब मध्येको एक हो । बर्साले २१ औं शताब्दीमा नै ४ च्याम्पियन्स लिग उपाधि हात पारिसकेको छ । त्यसअघि क्लबले सन् १९९२ मा युरोपियन कप जितेको थियो ।

हरेक ठूला क्लबको झैं बार्सिलोनाको पनि बिर्सनलायक समय रहेका छन् । साओ पाउलो र ब्रटिस्लाभा जस्ता केहि साना क्लब रहेका छन् जोसंग बार्साले एक पटक मात्र खेल्दा हार बेहोरेको छ । यस्तै आफ्नो प्रतिस्पर्धी रियल म्याड्रिडविरुद्ध पनि बार्सिलोनाको रेकर्ड राम्रो छैन । यी हुन् ति ५ नाम नचलेका क्लब जसको बार्सिलोनासँग खराब रेकर्ड रहेको छ :

५) सी.एस.के.ए मस्को (२ खेल : १ बराबरी, १ मा मस्को बिजयी)

सन् १९८९ मा रुसको पहिलो डिभिजनमा बढुवा भएको टोलि मस्कोले १९९१ मा नै प्रतियोगिताको उपाधि जित्न सफल भयो । सन् १९९२ मा टोलीले धेरै कठिन समय खेप्दै युरोपियन कपको खेलमा बार्सिलोनासँगको भेट तय गर्यो । मस्कोमा भएको खेलमा स्टार खेलाडीले भरिएको बार्सिलोनामाथि नाम नचलेका खेलाडीहरु रहेको क्लब सीएसकेएले अग्रता लियो । तर खेलको दोस्रो हाफमा बार्सिलोनाले बराबरी गोल गर्न सफल रह्यो र खेल १-१ को बराबरीमा सकियो । स्पेनमा भएको दोस्रो लेगमा बार्सिलोनाले २-० को अग्रता लिइसकेको थियो । तर पहिलो हाफको अन्त्यमा मस्कोले गोल गर्दै खेललाई २-१ को स्थितिमा ल्यायो । तर दोस्रो हाफमा उत्कृस्ट प्रदर्शन गर्दै मस्कोले थप २ गोल गर्यो र खेललाई आफ्नो पक्षमा पार्यो ।

४) नाटिङघम फरेस्ट (२ खेल : १ बराबरी, १ मा फरेस्टको जित)

अहिले भन्दा पत्याउन गाह्रो परेपनि फरेस्ट कुनै समय युरोपको बलियो टोली मध्येको एक थियो । सन् १९७८ मा फरेस्ट युरोपियन महारथी पनि बनेको थियो । सन् १९७९ मा फरेस्टले युरोपियन कप जित्दा बर्सिलोनाले यूईएफए कप जितेको थियो । सोहि कारण दुवै टोलीको भेट सुपर कपमा पक्का भयो । फरेस्टको घरेलु मैदानमा सम्पन्न पहिलो लेगमा फरेस्टले १-० को जित हात पार्यो । बार्सिलोनामा भएको दोस्रो लेगको खेल १-१ को बराबरीमा सकिएपछि खेल समग्रमा फरेस्टको नाममा रह्यो ।

३) स्टेउआ बुकारेस्ट (५ खेल : २ मा बार्सिलोनाको जित,  २+१ मा बुकारेस्टको जित)

फरेस्ट जस्तै बुकारेस्ट समेत युरोपको एक समयको च्याम्पियन थियो । सन् १९७१ मा पहिलो पटक बुकारेस्ट र बार्सिलोनाको भेट भएको थियो । सो समय बार्सिलोनाले दुवै खेलमा जित हात पार्यो । त्यसको ६ वर्षपछि दुई टोलीको भेट पुन: भयो । यस्तै दुवै टोलीले सन् १९८६ को यादगार खेलमा एक आपसको सामना गरे । निर्धारित समय गोलरहित बराबरीमा सकिएसँगै खेल टाइब्रेकरमा धकेलिएको थियो । बार्सिलोनाका गोलरक्षकले पहिलो २ प्रहार रोकेपनि स्टेउआका गोलरक्षकले सबै सट जोगाउँदा खेलमा स्टेउआले रोमान्चक जित हात पारेको थियो ।

२) गोटेबोर्ग (४ खेल : १ मा बार्सिलोनाको जित, १ बराबरी, २ मा गोटेबोर्ग विजयी)

सन् १९८६ मा फाइनल पुग्नु अगी बार्सिलोनाले स्विडेनको टोलि गोटेबोर्गविरुद्ध सेमीफाइनलमा जित हात पारेको थियो । तर सो खेलको पहिलो लेगमा गोटेबोर्गले जित हात पारेपनि दोस्रो लेग बार्सिलोनाको नाममा रहेको थियो । सन् १९९४ मा दुवै टोलि पुन: एकपटक च्याम्पियन्स लिगको एकै समुहमा परे । स्विडेनको टोलीले आफ्नो घरेलु मैदानमा भएको खेलमा जित दर्ता गर्यो । बार्सिलोनाको मैदानमा भएको खेलमा भने सुरुवातमा गोटेबोर्गले गोल खाएपनि अन्त्यमा अंक आफ्नो नाम गर्न सफल रह्यो ।

१) डन्डी युनाईटेड (२ खेल – २ मा डन्डीको जित)

युरोपको सफल टोलि डन्डीले बार्सिलोना बिरुद्ध सन् १९८७ को च्याम्पियन्स लिगको क्वार्टर फाइनलमा भेट गरेको थियो । डन्डीको घरेलु मैदानमा भएको खेलमा २१ बर्षीय केभिन गल्लाचारले गोल गरेपछि घरेलु टोलि १-० ले विजयी बन्यो । सायद थोरैले मात्र डन्डीले स्पेनमा आएर जित दर्ता गर्छ भनेर सोचेका थिए तर बार्सिलोनाको मैदानमा सबैलाई दंग पार्दै डन्डीले २-१ को जित दर्ता गर्यो । सो सिजन डन्डी प्रतियोगिताको फाइनलसम्म पुगेको थियो ।