टुरीन (एजेन्सी) – यस सिजनको सुरुवातमा रियल म्याड्रिडले सारा विश्व फुटबललाई चकित बनाउँदै आफ्ना उत्कृष्ट स्ट्राइकर क्रिस्टियानो रोनाल्डोलाई मोटो रकममा युभेन्ट्स पठायो । रोनाल्डोले क्लब र आफ्नो व्यक्तिगत रुपमा फुटबलका धेरै ट्रफी जितेका छन् । त्यति मात्र होइन उनको नाममा पोर्चुगललाई पहिलो अन्तर्राष्ट्रिय ट्रफी जिताउने श्रेय समेत रहेको छ ।

तर अन्य खेलाडी जस्तै उनको पनि केहि त्यस्ता उपलब्धि छन जो हासिल गर्न बाँकी नै छ । सायद उनको नाममा विश्वकप फुटबलको उपाधि नजाला तर केहि त्यस्ता उचाई छन् जो रोनाल्डोले क्लब फुटबलमा अझै हासिल गर्न सक्छन् :

महादेशीय तेहेरो उपाधि :

रोनाल्डोले ५ पटक लिग, ५ पटक च्याम्पियन्स लिग र ३ घरेलु ट्रफी जितेका छन् तर सबै ट्रफी एकैपटक जितेका छैनन् । सन् २००७-०८ को सिजनमा रोनाल्डोले युनाईटेडबाट ४० बढी गोल गर्दै प्रिमियर लिग र च्याम्पियन्स लिग जिताउन सहयोग गरे । सोहि सिजन युनाईटेडले कम्न्युनिटि सिल्ड जितेपनि त्यो ट्रेबलमा गनिदैन ।

रियल म्याड्रिडबाट उनले सन् २०१३/१४ को सिजनमा दुई उपाधि जिते । कोपा डेल रे र च्याम्पियन्स लिगको उपाधि जितेपनि रियलले सो सिजन ला-लिगामा तेस्रो स्थान हासिल गर्यो । त्यसको तीन सिजनपछि उनले पुन: एकपटक इतिहास कायम गर्ने मौका गुमाए । त्यसबेला रियल सेल्टा भिगोसँग पराजित हुन पुग्यो ।

तर रोनाल्डोले अझपनि आफ्नो नयाँ टोलि युभेन्ट्सबाट ट्रेबल जित्न सक्छन् । उनको नयाँ टोलीले इटालियन लिग जितेपनि च्याम्पियन्स लिग जित्न असफल रहँदै आएको छ ।

अन्तर्राष्ट्रिय गोल्डेन बुट वा बल :

रोनाल्डोले विश्वकप जितेका छैनन् भनेर उनको आलोचना गर्नु गलत हुन सक्छ तर उनले अन्तर्राष्ट्रिय प्रतियोगितामा गोल्डेन बुट वा बल जितेका छैनन् । रोनाल्डोले आफ्नो राष्ट्रिय टोलीका लागि ८५ गोल गरेका छन् ।

उनले सहभागिता जनाएको सुरुका ३ विश्वकपमा भने जम्मा ३ गोल मात्र गरेका थिए । उनले आफ्नो टोलीका लागि युरो कप जिताउँडा उनि उत्कृष्ट लयमा रहेको छनक थिए । तर सो प्रतियोगितामा समेत फ्रान्सका ग्रिजमेनले सो उपलब्धि हाँसिल गर्दा उनि गोल्डेन बुट जित्न बाट बन्चित भए ।

च्याम्पियन्स लिगमा ५ गोल :

च्याम्पियन्स लिग खेल्ने एक उत्कृष्ट खेलाडी मध्यका एक हुन् रोनाल्डो । रोनाल्डोले ५ पटक च्याम्पियन्स लिगको विजेता बन्ने क्रममा १ सय २० गोल गरेका छन् । यति धेरै गोल गरेपनि उनले एकै खेलमा ५ गोल भने गर्न सकेका छैनन् । उनका प्रतिस्पर्धी लियोनल मेसीको नमममा भने यो सफलता रहेको छ । उनले च्याम्पियन्स लिगमा लगातार दुई खेलमा ह्याट्रिक गर्ने र एकै खेलमा ४ गोल गर्ने सफलता हासिल गरेका छन् । नयाँ टोलीमा गएका रोनाल्डो छिटै यो उचाई हात पार्ने दाउमा हुनेछन ।