ढाकास्थित बंगबन्धु राष्ट्रिय रंगशालाबाट प्रकाश तिमल्सिना
हेलो नमस्ते
अहिले हामीले बंगबन्धु रंगशालाबाट नेपाल र बंगलादेशबीचको खेलको प्रत्यक्ष लाइभ लिएर आएका छौं ।
दुवै टोलीले अहिले वाम अप गरिरहेका छन् । खेल स्थानीय समयअनुसार ७ बजेपछि शुरु हुनेछ ।
यो खेल नेपालको लागि सेमिफाइनलमा स्थान बनाउन निकै महत्वपूर्ण छ । नेपाललाई यो खेलमा निश्चित जित आवश्यक छ ।
बंगलादेशलाई बराबरीले पनि अन्तिम चारमा स्थान बनाउने छ ।
दुवै टोलीको वामअप सकिएको छ । खेल केही बेरमा शुरु हुदैछ ।
नेपाल आज निलो जर्सीमा मैदान उत्रदै छ । घरेलु टोली बंगलादेश रातो जर्सीमा मैदान उत्रदै छ ।
अहिले फिफाको धुन बजिरहेको छ ।
नेपालको धुन बजेको छ ।
नेपालको धुन सकिएको छ । बंगलादेशको धुन सुरु भएको छ ।
बंगलादेशको धुन सकिएको छ ।
बंगबन्धु रंगशाला दर्शकले भरिभराउ भएको छ । नेपाली समर्थकहरु पनि उल्लेख्य मात्रामा नेपालर बंगलादेशबीचको खेल हेर्न आएको छ ।
खेल शुरु भएको छ ।
खेलको तेस्रो मिनेट सकिएको छ । नेपालले शुरुमा केही दवाव झेलेको छ ।
पाँचौ मिनेटको खेल सकिएको छ । नेपालले लय समात्ने प्रयास गरेको छ ।
१०औं मिनेटको खेल सकिएको छ । दुवै टोलीले गोलको मुभ बनाउने प्रयास गरिरहेका छन् । आज नेपालले जित्नैपर्ने दवाव छ ।
१२औं मिनेट बंगलादेशले कर्नर पाएको छ । फेरि कर्नर गोलरक्षक किरण चेम्जोङद्धारा बचाउ ।
१५औं मिनेट समाप्त खेल गोलरहित बराबरीमा ।
दुवै टोलीले खेललाई तीब्र गतिमा खेलेका छन् ।
१८औं मिनेटः फरवार्ड बिमल घर्तीमगर केही घाइते देखिएका छन् ।
२०औं मिनेट बंगलादेशले फेरि कर्नर पाएको छ । कर्नरलाई नेपाली डिफेन्डरले क्लियर गरिदिएका छन् । खेल गोलरहित बराबरीमा ।
खेल निकै प्रतिस्पर्धात्मक बनेको छ । नेपाललाई सेमिफाइनल प्रवेश गर्न निश्चित जित आवश्यक छ।
२५औं मिनेटमा रोहित चन्दले फल गरेका छन् ।
२८औं मिनेट दुवै टोलीले बलमा नियन्त्रण राखेपनि पोस्टमा प्रहार गर्न सकेको छैन ।
कुनैपनि टिमले खतरनाक मुभ बनाउन सकेको छैन ।
३०औं मिनेटको खेल सकिएको छ । दुवै टिम गोलको खोजीमा छन् ।
विमल मगरको गोल
३३औं मिनेट: मैदानको मध्यभागबाट विमलले प्रहार गरेको फ्रिकिकमा विमलको दर्शनीय गोल ।
विमलको प्रहारलाई बंगलादेशका गोलरक्षक सहिदुल अलामले राम्रो सँग ठम्याउन सकेन ।
यही गोलरक्षकलाई २०११ मा दिल्लीमा भएको साफ च्याम्पियनसिपमा तत्कालिन कप्तान सागर थापाले यस्तै गोल गरेका थिए ।
३७औं मिनेटको खेल सकिएको छ । नेपालले घरेलु टोलीविरुद्ध १–० ले अग्रता बनाएको छ ।
४०औं मिनेटको खेल सकिएको छ । नेपालले १–० को अग्रता बनाएको छ ।
पहिलो हाफ सकिन दुई मिनेट बाँकी नेपाल १- बंगलादेश ०
१ मिनेट समय थप गरिएको छ । नेपालले १–० को अग्रता बनाएको छ ।
पहिलो हाफ सकिएको छ । नेपालले घरेलु टोलीविरुद्ध १–० को अग्रता लिएको छ ।
नेपालले यही अग्रतालाई जोगाइराख्न सके नेपाल र पाकिस्तानले सेमिफाइनलमा स्थान बनाउनेछ ।
दोस्रो हाफ शुरु भएको छ । नेपाल १–० ले अघि छ ।
के नेपालले यही अग्रता जोगाइराख्न सक्ला ?
५०औं मिनेटको खेल सकिएको छ । नेपालले १–० को अग्रता लिइरहेको छ ।
बंगलादेशबाट खेलाडी परिवर्तन ।
५२औं मिनेटमा विप्लो अहमदको स्थानमा सोहेल राना मैद्यान प्रवेश । बंगलादेशबाट खेलाडी परिवर्तन ।
५३औं मिनेटमा मोहम्मद सादउदिनको स्थानमा होसेन रोनी मैदान प्रवेश ।
बंगलादेशबाट फेरि खेलाडी परिवर्तन
मासुक मिया जोनीको स्थानमा इमोन मामुद मैदान छिरेका छन् । ६०औं मिनेटको खेल सकिएको छ । नेपालले घरेलु टोलीविरुद्ध १–० को अग्रता लिइरहेको छ ।
नेपालबाट पहिलो खेलाडी परिवर्तन
६२औं मिनेटमा निराजन खड्काको स्थानमा अन्जन विष्ट मैदान प्रवेश ।
६५औं मिनेटको खेल सकिएको छ । नेपालले १–० को अग्रता जोगाइ राखेको छ । यही अग्रता जोगाइराखे नेपालले सन् २०१३ पछि पहिलोपटक सेमिफाइनलमा स्थान बनाउनेछ ।
नेपालबाट दोस्रो खेलाडी परिवर्तन
६७औं मिनेटमा कप्तान भरत खवासको स्थानमा नवयुग श्रेष्ठ मैदान प्रवेश ।
७०औं मिनेट
विश्वनाथ घोषको हेडर बाहिरियो ।
७२औं मिनेट गोलरक्षक किरण चेम्जोङको बचाउ ।
बंगलादेशी दर्शकहरुले मैदान वरिपरि बोतल फ्याकेर विरोध जनाइरहेका छन् ।
७५औं मिनेट
नेपालले १–० को अग्रता जोगाइ राखेको छ ।
७६औं मिनेट बंगलादेशी खेलाडीको हेडर बाहिरियो । नेपाल १-० को अग्रता जोगाईराख्न सफल ।
८०औं मिनेटको खेल सकिएको छ । नेपाल १–० ले अघि ।
नेपालबाट खेलाडी परिवर्तन
८२औं मिनेटमा विमल घर्तीमरगको स्थानमा विशाल राई मैदान प्रवेश ।
८४औं मिनेट नेपालका गोलरक्षक किरण चेम्जोङबाट उत्कृष्ट बचाउ ।
खेल सकिन ५ मिनेट बाँकी । नेपाल १–० को अग्रता जोगाइराख्न सफल ।
खेल सकिन १ मिनेट बाँकी । नेपाल १–० को अग्रता जोगाइराख्न सफल ।
९०औं मिनेट गोल
नवयुगको श्रेष्ठको गोल
चार मिनेट समय थप गरिएको छ । नेपालले २–० को अग्रता बनाएको छ ।
खेल सकिएको छ । नेपालले घरेलु टोली बंगलादेशलाई २–० ले पराजित गर्दै सेमिफाइनलमा स्थान बनाएको छ ।
हामीलाई साथ दिनुभएोकोमा धन्यवाद । हामी फेरि सेमिफाइनलको खेल लिएर आउनेछौं । नोपलले समूह ‘बी’ को उपविजेतासँग सेमिफाइनल खेल खेल्नेछ । सेमिफाइनल खेल २७ सेप्टेम्वरमा शुरु हुनेछ ।
समूह ‘बी’ मा भोलि भारत र माल्दिभ्सबीच खेल हुनेछ ।
