एजेन्सी – अर्जेन्टिनाको राष्ट्रिय फुटबल टोलीलाई अघि बढाउन बार्सिलोनाका स्टार खेलाडी लियोनल मेसी आवश्यक पर्ने इन्टर मिलानबाट व्यवसायिक फुटबल खेल्दै आएका अर्जेन्टिनी  स्ट्राइकर लौटारो मार्टिनेजले बताएका छन् ।

मेसीको व्यक्तिगत चाह नभएपनि अर्जेन्टिनाको फुटबलका लागि मेसीले राष्ट्रिय टोलीमा फर्किनु पर्ने मार्टिनेजले बताएका हुन् । अर्जेन्टिना रुस विश्वकपमा शीर्ष १६ चरणबाट बहिरिएको थियो । जहाँ अर्जेन्टिना फ्रान्ससँग ४–३ ले पराजित भयो । सोहिकारण आलोचित बनेका मेसीलाई अन्तर्राष्ट्रिय फुटबलबाट सन्यास लिनु आवश्यक नरहेको मार्टिनेजले बताए । तर, मेस्सीले सन्यासै भने लिएका छैनन् ।

मेसीले अझैपनि अन्तर्राष्ट्रिय टिममा आवश्यक परेको अवस्थामा फर्कने संकेत दिएका छन् । वर्तमान चलिरहेको मैत्रिपुर्ण खेलमा भने उनी उपस्थीत छैनन् । टिममा मेसीको आवश्यकता छ ? भनेर मार्टिनेजलाई प्रश्न गर्दा उनले भने, ‘एकदम आवश्यकता छ । किनकी उनी दुनियाँका सबैभन्दा उत्कृष्ट खेलाडी हुन् । उनी अर्नेन्टिनी हुन । जब उनी जर्सी लगाउँछन् तब हामी टिममा पुर्ण रुपमा आनन्द लिन्छौ । उनी टिमलाई बढाई रहन्छन् ।’

उनले थपे, ‘यस्तो धेरै कुरा छ जो मैले उनीबाट सिके । उनी टिममा धेरै उपयोगी र सकरात्मक छन् । जस्तोकी उत्कृष्ट खेलाडीसँग मात्र हैनी युवासँग समेत उनको राम्रो सम्बन्ध र मिलनासार छन् । उनीसँग खेल्दा धेरै सिक्न पाउने र धेरै सिक्ने प्रयास गर्ने गर्दछु ।’ मार्टिनेजले मार्चका राष्ट्रिय टिबाट डेब्यु गरेका थिए । तर, प्रशिक्षकले रुस विश्वपमा युवा खेलाडीलाई स्थान नदिएको आरोप लाग्दै आएको छ।