एसी मिलानको सहज जित

मिलान (एजेन्सी) – इटालियन सिरी ‘ए’ फुटबलमा एसी मिलानले सहज जित निकालेको छ । मिलानले सासुलोमाथि ४–१ को सहज जित निकालेको हो ।

मिलानको सहज जितमा सुसोले दुई तथा फ्रान्क यान्निक किसे र स्यामुल क्यास्टिल्जोले समान एक गोल गरे । पराजित टिमका लागि फिलिप जुरिसिसले सान्तना गोल फर्काए ।

सुसुलोको घरेलु मैदानमा भएको खेलमा मिलानले फ्रान्क यान्निकको गोलमा पहिलो हाफमा १–० को अग्रता बनाएको थियो । फ्रान्कले ३९औं मिनेटमा गोल गरेका थिए । पहिलो हाफमा १–० ले अघि बढेको मिलानले दोस्रो हाफमा थप तीन गोल गर्न सफल हुदा एक गोल खाएको थियो ।

५०औं मिनेटमा सुसोले गोल गरेपछि मिलानले खेलमा २–० को अग्रता बनायो । स्यामुलले ६०औं मिनेटमा गोल थपेपछि मिलानले ३–० को आरामदायी अग्रता बनाउदै खेलमा अघि बढ्यो । ६८औं मिनेटमा सुसुलोका फिलिपले एक गोल गर्दै खेलमा फर्कने संकेत देखाएका थिए ।

तर, इन्जुरी समयमा सुसोले व्यक्तिगत दोस्रो तथा टिमका लागि चौथो गोल गर्दै मिलानलाई ४–१ को सहज जित निकाल्न सफल भयो ।

जितपछि मिलान ६ खेलबाट ९ अंक जोडेर सिरी ‘ए’ को १०औं स्थानमा उक्लिएको छ । पराजित सुसुलो ७ खेलबाट १३ अंकसहित पाँचौं स्थानमा यथावत छ । अपराजित रहेको युभेन्टस् ७ खेलबाट २१ अंक जोडेर सिरी ‘ए’ को शीर्ष स्थानमा छ ।

Latest News

Popular News

फुटबल

झापा कपको उद्घाटन खेल-आर्मी र एलएक्स सिटी खेल्ने

एनएसएलको तेस्रो संस्करण चैतमा

फुटबलर अमिशा र गीता नगदसहित सम्मानित

चर्चित खेलहरु:

उपयोगी लिङ्कहरू

सम्पर्क

सामाजिक संजाल