6 years ago
October 9, 2018
काठमाडौं (हाम्रो खेलकुद) – च्यासल युवा क्लबका प्रशिक्षक राजुकाजी शाक्यले मछिन्द्रविरुद्ध लिगको पहिलो खेलमा सुखद सुरुवात लिने अपेक्षा गरेको बताएका छन् । बंगबन्धु कपका कारण दोस्रो खेलपछि स्थगित भएको लिग बुधबार सुचारु हुँदैछ । लिगको पहिलो खेलमा च्यासलले मछिन्द्रको सामना गर्दैछ । यसअघि भएको राष्ट्रिय लिगमा शाक्य मनाङ मर्स्याङदी क्लबका प्रशिक्षक थिए । उपाधि छिनोफानो […]
काठमाडौं (हाम्रो खेलकुद) – च्यासल युवा क्लबका प्रशिक्षक राजुकाजी शाक्यले मछिन्द्रविरुद्ध लिगको पहिलो खेलमा सुखद सुरुवात लिने अपेक्षा गरेको बताएका छन् । बंगबन्धु कपका कारण दोस्रो खेलपछि स्थगित भएको लिग बुधबार सुचारु हुँदैछ ।
लिगको पहिलो खेलमा च्यासलले मछिन्द्रको सामना गर्दैछ । यसअघि भएको राष्ट्रिय लिगमा शाक्य मनाङ मर्स्याङदी क्लबका प्रशिक्षक थिए । उपाधि छिनोफानो हुने अन्तिम खेलमा थ्री स्टारसँग २-० ले पराजित भएपछि मनाङ उपाधिबाट बन्चित भएको थियो । घरेलु फुटबलमा शाक्य अझैपनि लिग उपाधि पछ्याइरहेका छन् । उनले केहि वर्षअघि मछिन्द्रको पनि प्रशिक्षण सम्हालेका थिए ।
प्रशिक्षक शाक्य आफ्नो टोली राम्रो भएकाले सुखद सुरुवात गर्ने अपेक्षामा छन् । ‘पहिलो खेल सधैं कठिन हुन्छ । विपक्षीको बारेमा खासै धेरै जानकारी हुँदैन । तर पनि हामी राम्रो सुरुवातको आशामा छौं,’ उनले भने, ‘राष्ट्रिय टोलीका खेलाडी हिजोबाट बल्ल अभ्यासमा सामेल भएका छन् । टोली उत्साहित छ । सफल नतिजाको अपेक्षा गरेका छौं ।’
टोलीमा राष्ट्रिय टोलीका फरवार्ड विमल घर्तिमगर, मिडफिल्डर हेमन्त थापा मगर र डिफेन्डर देवेन्द्र तामाङ रहेका छन् । घरेलु फुटबलमा चलेका नाम पनि टोलीमा सम्मिलित छन् । मछिन्द्रमा युवा खेलाडीको बाहुल्यता रहेकाले पनि च्यासल बलियो देखिन्छ । खेल सातदोबाटोस्थित एन्फा कम्प्लेक्समा बुधबार दिउँसो ३ बजे सुरु हुनेछ ।
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]