पीपीएलः धनगढीद्वारा बुटवललाई १ सय ६२ रनको लक्ष्य प्रस्तुत

पोखरा (हाम्रो खेलकुद) – कप्तान दीपेन्द्रसिंह ऐरी र ड्यानियल लरेन्सले अर्धशतकीय इनिङ्स खेल्दै चौथो विकेटका लागि शतकीय साझेदारी गरेपछि एक्सपर्ट धनगढी ब्लुजले जितका लागि बुटवल ब्लास्टर्सलाई १ सय ६२ रनको विजयी लक्ष्य दिएको छ ।

टस जितेर पहिले ब्याटिङ गरेको धनगढीले निर्धारित २० ओभरमा ४ विकेट गुमाएर १ सय ६१ रनको योगफल तयार पारेको हो । खराब सुरुवात गरेको धनगढीका लागि दीपेन्द्रसिंह ऐरी र ड्यानियल लरेन्सले चौथो विकेटको लागि १ सय ८ रनको साझेदारी गरेका थिए । कप्तान दीपेन्द्र रनमा ५६ नटआउट रहे । उनले ३९ बलमा ४ चौका र २ छक्का प्रहार गरे । लरेन्स ३९ बलमा ३ चौका र २ छक्कासहित ५२ रन जोडे ।

त्यसअघि पिटर ट्रेगोले १४ जोडेका थिए । ओपनरद्वय सुवेन्दु पाण्डे र दीलिप नाथले समान १०-१० रन जोडे । बुटवलका लागि पोखरेली खेलाडी विपीन खत्रीले २ विकेट लिए । रोहन मुस्ताफा र अविनाश बोहराले १ विकेट लिए । यो खेलमा जित हात पारे धनगढीले प्ले अफलाई सम्भावना बलियो बनाउनेछ । हार बेहारेको अवस्थामा भने धनगढीको सम्भावना न्युन रहनेछ । बुटवलले जित हात पारे प्ले अफमा स्थान बनाउनेछ ।