6 years ago
November 4, 2018
टोरिनो (एजेन्सी) – साविकको विजेता युभेन्ट्सले इटालियन सिरी ‘ए’ फुटबलमा क्याग्लिएरीमाथि सहज जित निकालेको छ । सिरी ‘ए’ अन्तरगत शनिबार राति भएको खेलमा युभेन्ट्सले क्याग्लिएरीमाथि ३–१ को सहज जित निकालेको हो ।
घरेलु मैदान आलियान्ज एरिनामा भएको खेलमा युभेन्टसलाई जिताउन पाउलो डिबाला र जुवान क्वाडराडोले गोल गर्दा एक गोल उपहार पाएको थियो । फिलिप ब्राडारिचले आत्मघाती गोल गर्दा जोओ पेड्रोले सान्त्वना गोल फर्काए ।
खेलको पहिलो मिनेटमै डिबालाले गोल गर्दै युभेन्ट्सलाई सुरुवाती अग्रता दिलाएका थिए । ३६औं मिनेटमा पेड्रोले गोल गर्दै खेल १–१ गोलको बराबरीमा ल्याए । त्यसको दुई मिनेटपछि ब्राडारिचले आत्मघाती गोल गरेपछि युभेन्ट्सले पहिलो हाफमा २–१ को अग्रता लिन सफल भयो । ८७औं मिनेटमा क्वाडराडोले गोल गर्दै युभेन्टसलाई ३–१ को सहज जित दिलाए ।
क्याग्लिएरीविरुद्धको खेलअघि रोनाल्डोलाई युरोपियन क्लब फुटबलमा ४ सय गोलको पुरा गरेकोमा क्लबले सम्मान स्वरूप ४०० अंकित जर्सी प्रदान गरेको थियो । रोनाल्डोले उक्त जर्सी प्रदर्शनी गरेका थिए । जितसँगै युभेन्ट्सले ११ खेलबाट ३१ अंक जोड्दै यो सिजनको उपाधि जित्ने होडमा अघि बढेको छ । युभेन्टसले दोस्रो स्थानको इन्टर मिलानमाथि ६ अंकको अग्रता लिएको छ । पराजित क्याग्लिएरी १३ अंक जोडेर १३ औं स्थानमा छ ।
December 12, 2024
काठमाडौं (हाम्रो खेलकुद)- नेपाल सुपर लिग (एनएसएल) को तेस्रो संस्करण यसै वर्षको अन्त्यमा आयोजना हुनेभएको छ। नेपाल स्पोर्ट्स एण्ड इभेन्ट म्यानेजमेन्ट प्राइभेट लिमिटेडले आयोजना एनएसएल चैत १६ गते सुरु हुने अखिल नेपाल फुटबल संघ (एन्फा) ले जानकारी दिएको छ। आज एन्फा कम्प्लेक्स सातदोबाटोमा एन्फा महासचिव किरण राईले एनएसएलका प्रबन्ध निर्देशक श्रेयांस कार्कीलाई एनएसएल आयोजनाको अनुमतिपत्र […]
December 12, 2024
काठमाडौं (हाम्रो खेलकुद)- नेपाल फुटबल खेलाडी संघको संयोजकमा नेपाली राष्ट्रिय महिला टोलीका स्ट्राइकर अमिशा कार्की र डिफेन्डर गीता राणालाई नगद सहित सम्मानित भएका छन्। सेजल आईटी क्यालिफोर्निया युएसएले अमिशा र गीतालाई समान ७५ हजार रुपैयाँ प्रदान गरि सम्मान गरेको हो। सेजल आइटी क्यालिफोर्निया युएसएका अध्यक्ष शंकर केसीले नगद सहित सम्मान गरे। सो अवसरमा प्रशिक्षकद्वय किशोर […]
December 12, 2024
एजेन्सी – बार्सिलोना च्याम्पियन्स लिग अंक तालिकाको दोस्रो स्थानमा उक्लेको छ। बार्सिलोनाले बुधवार बोरुसिया डर्टमन्डलाई ३-२ ले पराजित गर्दै दोस्रो स्थानमा स्थानमा उक्लेको हो। दोस्रो हाफमा मैदानमा प्रवेश गरेका फेरान टोरेसको निर्णायकसहित २ गोल गरेपछि बार्सिलोना विजयी भएको हो। पहिलो हाफ गोलरहित बराबरीमा टुंगिएको थियो। ५२औं मिनेटमा बार्सिलोनाले कप्तान राफिन्हाको गोलमा अग्रता लियो । डर्टमन्ड […]
