दोस्रो चरणपछि यस्तो छ अंक तालिका

काठमाडौं (हाम्रो खेलकुद) – पल्सर सहिद स्मारक ए डिभिजन लिगअन्तर्गत सोमबार तीन खेल सकिएसँगै दोस्रो चरणका खेलहरु सकिएका छन् ।

दोस्रो चरणको समाप्तिमा थ्री स्टार लिगको शीर्ष स्थानमा छ । थ्री स्टारले दोस्रो चरणको खेलमा ब्रिगेड ब्वाइज क्लबलाई ५-१ ले पराजित गर्दै शीर्ष स्थानमा कब्जा जमाएको हो । मनाङ मर्स्याङदीले पनि एनआरटीलाई २-० ले पराजित गर्दै जित हासिल गर्यो । गोलअन्तरको आधारमा थ्री स्टार अगाडी छ । संकटाले पनि सोमबार जावलाखेललाई २-० ले पराजित गर्दै ६ अंक जोडेको छ ।

त्यसपछि अंक तालिकामा ४ अंक जोड्नेमा तीन विभागीय टोलीसँगै हिमालयन शेर्पा रहेको छ । त्रिभुवन आर्मीले च्यासललाई १-० ले पराजित गर्यो । पुलिसले मछिन्द्रविरुद्ध गोलरहित बराबरी खेल्यो भने एपीएफले फ्रेन्ड्सलाई १-० ले पराजित गर्यो । हिमालयन शेर्पाले पनि सरस्वतिलाई १-० ले नै हरायो ।

मछिन्द्र लगातार २ बराबरीसँगै अंक तालिकाको आठौँ स्थानमा छ भने च्यासल र एनआरटीले १-१ अंक जोडेका छन् । फ्रेन्ड्स, सरस्वति, जवालाखेल र ब्रिगेड ब्वाइजले अंक जोड्न सकेका छैनन् ।