5 years ago
December 17, 2018
काठमाडौं (हाम्रो खेलकुद)– फुटबलमा प्रतिबन्धमा रहेका अखिल नेपाल फुटबल संघ (एन्फा) का पूर्व अध्यक्ष गणेश थापाले फुटबलका सम्बन्धित निकायको औपचारिक कार्यक्रममा बाहेक फुटबलका विषयमा बोल्न मिल्ने जिकिर गरेका छन् । ‘एन्फा, एएफसी, फिफाले गर्ने कार्यक्रममा गएर बोल्न, भाग लिन मात्र मलाई प्रतिबन्ध हो,’ राजधानीमा आइतबार आयोजित एक कार्यक्रममा थापाले भने, ‘बाँकी अन्य ठाँउमा फुटबलका विषयमा […]
काठमाडौं (हाम्रो खेलकुद)– फुटबलमा प्रतिबन्धमा रहेका अखिल नेपाल फुटबल संघ (एन्फा) का पूर्व अध्यक्ष गणेश थापाले फुटबलका सम्बन्धित निकायको औपचारिक कार्यक्रममा बाहेक फुटबलका विषयमा बोल्न मिल्ने जिकिर गरेका छन् ।
‘एन्फा, एएफसी, फिफाले गर्ने कार्यक्रममा गएर बोल्न, भाग लिन मात्र मलाई प्रतिबन्ध हो,’ राजधानीमा आइतबार आयोजित एक कार्यक्रममा थापाले भने, ‘बाँकी अन्य ठाँउमा फुटबलका विषयमा कुरा गर्न मलाई कसैले रोक्न मिल्दैन । र म बोल्छु पनि ।’
आफुले सधै नेपाली फुटबलको भलो चिताएको उल्लेख गर्दै थापाले भने, ‘राम्रो काम हुँदा समर्थक र प्रशंसा गर्ने । गलत हुन लाग्दा त्यसको विरोध गर्ने हो । मैले बोल्दा फुटबलका पदाधिकारी सचेत हुन्छन् भने मैले भन्नु पर्छ । म भन्छु पनि । ‘
प्रदेशिक लिग आयोजना हुने निर्णयको स्वागत गर्दै थापाले भने, ‘मैले त्यो कदमको सरहाना गरेको छु । मुख्यमन्त्रीलाई पनि बधाई दिए । एन्फालाई पनि धन्यवाद भनेको छु । राम्रो काममा साथ रहन्छ ।’ केहि राम्रा काम भएपनि पछिल्ला समयमा नेपाली फुटबल गलत बाटोमा जान्छकी भन्ने शंका बढेको थापाले बताएका छन् ।
‘फुटबलको विकास, खेलाडी, क्लबले पाउने सुविधामा केहि बढेको छैन,’ उनले भने, ‘तर पदाधिकारीको भने तह अनुसारको भत्ता बढेको भन्ने सुन्नमा आएको छ । जिल्लाका मान्छे काठमाडौं आउने १५ /२० दिन बस्ने । भत्ता बुझ्ने अनि जिल्ला फर्कने गरेको त्यहिकै मान्छेबाट सुनिन्छ । यदि त्यो सहि हो भने त्यसले नेपाली फुटबललाई ओरालो तिर लान्छ ।’
२०५२ सालपछि दुई दशक नेपाली फुटबलको बागडोर सम्हालेका थापालाई भ्रष्टाचारको अभियोगपछि तीन वर्ष अघि फिफाले ८ वर्षको प्रतिबन्ध र जरिवाना गरेको थियो । त्यसका वावजुद मौका मिल्दा थापा नेपाली फुटबल र आफ्नो बारेमा बोल्न छुटाउँदैनन् ।
आफ्नो समयमा फिफा एएफसीबाट बार्षिक ५ करोड अनुदान आउने स्मरण गर्दै थापाले भने, ‘अहिले ४० करोड भन्दा बढी आउछ । तर, त्यो पैसा फुटबल विकासमा खर्च भएको सुन्न पाइएको छैन ।’ हिजो आफ्नो समयमा सुरु भएकै कार्यक्रमलाई व्यवस्थित ढंगले चलाउने बाहेक अहिलेको एन्फा नेतृत्वले गर्ने कुनै नयाँ कार्यक्रम नभएको थापाले दोहोराए ।
‘सबै प्रतियोगिता हिजै सुरु भएका हुन् । अहिले भनिएको प्रादेशिक लिग हिजको क्षेत्रिय लिग जस्तै हो, ‘उनले भने, ‘पहिला भन्दा व्यवस्थित गर्ने, क्षेत्रिय रुपमा एकेडेमी स्थापना र अन्य विकासका काम गर्न सके फुटबल विकास हुन सक्दछ ।’
एन्फाले विदेशी नागरिकलाई फिफा कंग्रेसमा प्रतिनिधि बनाउँदा सरकारी निकाय र नेपाल ओलम्पिक कमिटी मौन भएकोमा एएफसीका पूर्व उपाध्यक्ष समेत रहेका थापाले आलोचना गरे ।
‘ विदेशीले फिफा कंग्रेसमा भाग लिने देशका लागि लाजमर्दो विषय हो, कसैको नाम नलिइ उनले आक्रोश पोखे, तर त्यो विषयमा मन्त्रालय, राष्ट्रिय खेलकुद परिषद् (राखेप) वा एनओसीले प्रश्न उठाएनन् । त्यो दुःख लाग्दो कुरा हो । ‘
एन्फाले अन्तर्राष्ट्रिय विभाग प्रमुख एवंम अध्यक्ष कर्मा छिरिङ शेर्पाका सल्लाहकार एनआरएन नवीन पाण्डेलाई फिफा कंग्रेसमा सहभागी गराएको थियो । त्यो विषयमा पछि एन्फाले पाण्डेलाई प्रतिनिधि नभई परिवेक्षकका रुपमा सहभागी गराएको भन्दै स्पष्टिकरण दिएको थियो ।
एन्फा एकेडेमीको पहिलो ब्याचका खेलाडीले शिक्षा अभियानमा जुटेका सोही ब्याचका गजेन्द्र राना (गजेन्द्र सर) लाई आर्थिक सहयोग गर्न आयोजित कार्यक्रममा थापाले लामो समय नेपाली फुटबल र आफ्ना बारेमा बोलेका थिए ।
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]