धनगढी (हाम्रो खेलकुद) – नाज ओभरसिज पिएफए अत्तरीयाले फारवेष्ट पशुपति कप फुटबल प्रतियोगिताको उपाधि जितेको छ । शनिबार धनगढी रंगशालामा आयोजक फारवेष्ट पशुपति युवा क्लबलाई टाईब्रेकरमा हराउँदै पिएफए चौथो संस्करणको च्याम्पियन बनेको हो ।

अघिल्लो संस्करण पनिमा यी दुवै टोली फाइनलमा भिडेडका थिए । त्यसमा फारवेष्ट विजयी भएको थियो । पिएफएले शनिबार फारवेष्टलाई टाइब्रेकरमा ५–३ ले हराएको थियो । उपाधिसहित पिएफएले ४ लाख रुपैयाँ प्राप्त गरेको छ । आयोजक टोलीले २ लाख रुपैयाँ पाएको छ ।

फाइनलको निर्धारित समय गोलरहित बराबरीमा टुंगिएपछि पेनाल्टी सुटआउटबाट नतिजा आएको थियो । फारवेष्टका लागि महेश चन्द जोजोको प्रहार बाहिरिएका कारण आयोजक टोली विजेता बन्नबाट चुकेको हो ।

फारवेष्टका लागि भिष्म भाट, कृष्ण कठायत, र दिपेन्द्र वुढाले गोल गरे । पिएफएका लागि मिलन भट्ट, दिपेश आलेमगर, सन्तोष कार्की, बादल पाख्रिन र आशिष क्षेत्रीले गोल गरे । फारवेष्टका भिष्टबाट प्रतियोगिताको सर्वोत्कृष्ट खेलाडी घोषित भएका छन् । उनले १५ हजार रुपैयाँ प्राप्त गरेका छन् ।

फारवेष्टका प्रितम खड्का उत्कृष्ट गोलकिपर, सोहि क्लबका कृष्ण कठायत उत्कृष्ट रक्षक घोषित भए । पिएफएका अशोक चौरधी उदयीमान खेलाडी चेनिएका थिए । पिएफएका आशिष श्रेष्ठ सर्वाधिक गोलकता बने । उत्कृष्ट, उदयीमान र सर्वाधिक गोलकर्ताले समान १० हजार रुपैयाँ प्राप्त गरेका छन् ।

क्लबका अध्यक्ष खेम रावतको अध्यक्षतामा भएको समापन समारोहमा सुदुरपश्चिम सरकारका सामाजिक विकास मन्त्री कृष्ण सुवेदीले विजेता,उपविजेता टोलीका खेलाडीलाई पुरस्कृत गरे । पुस ८ गतेदेखि सुरु भएको प्रतियोगिता १६ टोलीको सहभागिता थियो ।