एजेन्सी – क्याटलान क्लब बार्सिलोनाले इंग्लिस क्लब चेल्सीका विङ्गर विलियनलाई क्लबमा अनुबन्ध गर्ने प्रक्रिया थालेको छ ।
बार्सिलोनाले यसै सिजन ब्राजिलका माल्कोमलाई ५० मिलियन पाउन्डमा चेल्सीमा पठाएर ब्राजिल तथा चेल्सीका विङ्गर विलियनलाई क्लबमा अनुबन्ध गर्ने प्रयास थालेको हो । यसै सिजन ब्राजिलका माल्कोमलाई ३८ मिलियन पाउन्डमा अनुबन्ध गरेपनि उनले पहिलो रोजाईमा निकै कम मौका पाएका कारण बार्सिलोना नयाँ विकल्पको खोजीमा अघि बढेको हो ।
३० वर्षीय विलियनको चेल्सीसँग अझै १८ महिनाको सम्झौता रहेको छ । चेल्सीले यसअघि ६५ मिलियन पाउन्डको प्रस्तावलाई अस्वीकार गरेको थियो । विलियनलाई चिनिया क्लब डालियन यिफाङले पनि प्रस्ताव गरेको थियो । तर, चेल्सीले भने उक्त प्रस्तावलाई स्वीकारेको छैन ।
