दिपक बोहोरा, पाँचथर

दशौं रुस्लान फाल्गुनन्द गोल्डकपमा पाहुना टोली रोयल फुटबल क्लब दार्जिलीङलाइ हराउदै त्रिभुवन आर्मी क्लब मैफसलको पहिलो उपाधि नजिक पुगेको छ ।

आर्मीले खेल २–१ ले आफ्नो पक्षमामा पा¥यो । आर्मी फाइनलमा उपाधिको लागी झापा ११ संग प्रतिस्पर्धा गर्ने छ । झापा यस अगीनै सरस्वती क्लबलाई हराउँदै फाइनल प्रबेश गरीसकेको छ । आर्मीको जितमा एक गोल आत्माघाती उपहार पाएको थियो । अर्को गोल एरिक बिष्टले गरेका थिए । आर्मी र झापा ११ बिचको फाइनल खेल सोमबार हुनेछ ।

शनिबार फिदिम माबिको खेलमैदनामा भएको खेलमा १६ औं मिनेट दार्जिलिङका डिफेन्डरले बल क्लीयर गर्ने क्रममा आत्माघाती गोल हुँदा आर्मीले उपाहार गोलबाट अग्रता बनाएको थियो । तर आर्मीले अग्रता लामो समय टिकाउन सकेन । २१ मिनेटमा कमजोर डिफेन्सलाइनको फाइदा उठाउदै दार्जिलीङका सिद्धान्त क्षेत्रिले बराबरी गोल फर्काए । खेल सकिन एक मिनेट बाँकी हुदाँ आर्मीका एरिक बिष्टले गोल गर्दै आर्मीलाइ उपाधि नजिक पुराए ।

पहिलो हाफमा निकै आक्रम बनेको दार्जिलिङ दोश्रो हाफमा केहि सुस्त बनेको थिायो । पहिलो हाफमा पाएको राम्रा अवसर गुमाउदा पाहुना टोली पराजित हुन पुग्यो । पहिलो हाफमा अर्माीका गोलरक्षक बिश्वास चौधरीले केहि उत्कृष्ठ बचाउ गरेका थिए । खेलमा बिजयी गोल गरेका आर्मीका एरिक बिष्ट म्यान अफ दि म्याच बने । उन नगद दश हजार प्राप्त गरे ।

रेफ्रीका केहि गलत निर्णयका कारण टिम पराजित हुन परेको रोयल फुटबल क्लबका प्रशिक्षक सचिन्द्र धिमालले जानकारी दिए । खेलाडीहरुको टिमवर्क मिलेकाले सफलता प्राप्त गरेको आर्मीका प्रशिक्षक गंगाराम देउजाले जानकारी दिए । प्रतियोगितामा मोफसलका चर्चित क्लबहरु र ए डिभिजन सहित दश टिमको सहभागीता रहने छ ।

पूर्वकै प्रतिष्ठित फुटबल प्रतियोगिता फाल्गुनन्द गोल्डकपको दशौं संस्करणको विजेताले उपाधि सहित नगद चार लाख प्राप्त गर्ने छ ।

फाल्गुनन्द गोल्डकपमा सोमबार हुने फाइनल खेल
त्रिभुवन आर्मि क्लब र झापा ११