एजेन्सी – इंग्लिस प्रिमियर लिग फुटबलमा लन्डन क्लब आर्सनल वेस्टह्याम युनाइटेडसँग १–० ले स्तब्ध बनेको छ ।
प्रिमियर लिग अन्तरगत शनिबार भएको खेलमा आर्सनल वेस्टह्यामको घरेलु मैदानमा स्तब्ध बन्न पुगेको हो । वेस्टह्यामका युवा फरवार्ड डिकलान राइसले पहिलो हाफको गरेको गोल नै आर्सनललाई स्तब्ध तुल्याउन पर्याप्त बन्यो ।
राइसले पहिलो हाफको इन्ज्युरी समयको थप गरिएको पहिलो मिनेटमा समिर नास्रीको पासलाई गोलमा परिणत गरेका थिए ।
१ गोलले पछि परेपछि आर्सनलले दोस्रो हाफमा खेलमा फर्कने प्रयास गरेपछि वेस्टह्यामको बलियो रक्षापङ्ति तोड्न नसक्दा पराजित हुन पुग्यो ।
वेस्टह्यामसँगको हारसँगै आर्सनलले चौथो स्थानमा रहेको चेल्सीसँग अंक बराबरी गर्ने मौका गुमायो । आर्सनलको २२ खेलबाट ४१ अंक रहेको छ । आर्सनललाई पराजित गरेको वेस्टह्याम ३१ अंक जोडेर आठौं स्थानमा उक्लिन सफल भएको छ ।
