5 years ago
January 13, 2019
एजेन्सी – लन्डन क्लब चेल्सीले इंग्लिस प्रिमियर लिग फुटबलमा न्युक्यासल युनाइटेडलाई पराजित गरेको छ । चेल्सीले न्युक्यासललाई २–१ ले पराजित गरेको हो । घरेलु मैदानमा चेल्सीलाई जिताउन पेड्रो रोड्रिग्वेज र विलियनले गोल गरे । पराजित टोलीका लागि कियरन क्लार्कले एक गोल फर्काए । स्टामफोर्ड ब्रिजमा शनिबार राति भएको खेलमा नवौं मिनेटमा नै चेल्सीले पेड्रोको गोलबाट […]
एजेन्सी – लन्डन क्लब चेल्सीले इंग्लिस प्रिमियर लिग फुटबलमा न्युक्यासल युनाइटेडलाई पराजित गरेको छ । चेल्सीले न्युक्यासललाई २–१ ले पराजित गरेको हो ।
घरेलु मैदानमा चेल्सीलाई जिताउन पेड्रो रोड्रिग्वेज र विलियनले गोल गरे । पराजित टोलीका लागि कियरन क्लार्कले एक गोल फर्काए । स्टामफोर्ड ब्रिजमा शनिबार राति भएको खेलमा नवौं मिनेटमा नै चेल्सीले पेड्रोको गोलबाट खेलमा सुरुवाती अग्रता बनाएको थियो । पेड्रोले डेभिड लुइजसँगको वान टु वान पासमा गोल गर्न सफल भएका थिए ।
४०औं मिनेटमा न्यु क्यास्टलका क्लार्कले गोल गरेपछि पहिलो हाफ १–१ गोलको बराबरीमा सकिएको थियो । म्याट रिचिले दिएको कर्नरमा क्लार्कले हेडमार्फत गोल गरेका थिए ।
५७औं मिनेटमा इडेन हाजार्डको पासमा विलियनले गोल गर्दै चेल्सीलाई खेलमा २–१ को अग्रता दिलाए । त्यसपछि पनि चेल्सीले न्युक्यासललाई दवावमा राखेपनि थप गोल गर्न नसक्दा चेल्सी २–१ ले विजयी हुन सफल भयो ।
जितपछि चेल्सीले २२ खेलबाट ४७ अंक जोड्दै चौथो स्थानलाई थप मजवुत बनाएको छ । चेल्सी तेस्रो स्थानको टोटेनहमभन्दा १ अंकले पछि छ । ५७ अंक जोडेर लिभरपुल शीर्षस्थानमा रहेको छ ।
प्रिमियरलिगको अन्य खेलको नतिजा
बर्नली विरुद्ध फुलहम (२–१)
कार्डिफ विरुद्ध हडर्सफिल्ड (०–०)
क्रिस्टल प्यालेस विरुद्ध वाट्फोर्ड (१–२)
लेस्टर सिटी विरुद्ध साउथह्याम्पटन (१–२)
April 24, 2024
सुर्खेत (हाम्रो खेलकुद)– सुदूरपश्चिम प्रदेशले महिला लिग छनोटमा दोस्रो जित निकालेको छ । अस्मिता चौधरीको २ गोलको मद्दतमा सुदूरपश्चिमले बुधबार मधेश प्रदेशलाई ३–० ले हराएको छ । कर्णाली प्रदेश रंगशालामा भएको खेलमा पाँचौं मिनेटमा यसोदाकुमारी चिरलको गोलबाट सुदूरपश्चिमले अग्रता लिएको थियो । अस्मिताले ५१ औं र ६१ औं मिनेटमा गोल गर्दै टोलीलाई जित दिलाइन् । […]
April 24, 2024
काठमाडौं (हाम्रो खेलकुद)– सहिद स्मारक सी डिभिजन लिगमा पुछारमा रहेको गोलबजार स्पोर्ट्स क्लबसँग रानीवन स्पोर्ट्स क्लब १–१ को बराबरीमा रोकिएको छ । सातदोबाटोस्थित एन्फा कम्प्लेक्समा आज भएको खेलमा योञ्जन हमालको गोलमा खेलको १६औं मिनेटमा गोलबजारले अग्रता बनायो। तर यो अग्रतालाई जोगाउन भने सकेन। ४४औं मिनेटमा हिमाञ्चल सिंहले बराबरी गोल फर्काए । दोस्रो हाफमा दुवै टिमबाट […]
April 24, 2024
सुर्खेत (हाम्रो खेलकुद) – समिक्षा मगरको गोलमा कोशी प्रदेशले महिला लिग छनोट गण्डकी प्रदेशलाई ३–० ले सहजै हराएको छ । लगातार तेस्रो जितपछि ९ कोशी शीर्षस्थानमा छ । सर्खेतस्थित कर्णाली प्रदेश रंगशालामा बुधबार भएको खेलमा कोशीले एकपक्षीय दबाब बनायो। छैटौं मिनेटमा समिक्षाले गोल गर्दै टोलीलाई पहिलो हाफमा १–० को अग्रता दिलाइन् । गण्डकी दोस्रो हाफमा […]