एजेन्सी – इटालियन सिरी ‘ए’ क्लब युभेन्टस र एसी मिलान कोपा इटालिया फुटबलको क्वाटरफाइनलमा प्रवेश गरेका छन् । कोपा इटालिया अन्तर्गत शनिबार राति भएको प्रि–क्वाटरफाइनलमा युभेन्टसले बोलोग्नालाई २–० ले पराजित गर्दै अन्तिम आठमा स्थान स्थान पक्का गरेको हो ।
बोलोग्नाको मैदानमा भएको खेलमा युभेन्टसले खेलको नवौं मिनेटमा अग्रता बनाएको थियो । फेडरिको बर्नारडेस्चीले गोल गरे । पहिलो हाफमा १–० को अग्रता लिएको युभेन्टसले दोस्रो हाफको सुरुमै गोल गर्दै जित पक्का ग¥यो । मोइस किनले ४९औं मिनेटमा गोल गर्दै युभेन्टसलाई २–० को जित दिलाए ।
शनिबार राति नै भएको अर्काे खेलमा एसी मिलानले साम्पडोरियालाई अतिरिक्त समयमा २–० ले पराजित गर्दै अन्तिम आठमा पुग्न सफल भयो । प्रतिस्पर्धात्मक बनेको खेलको निर्धारित समयमा दुवै टोलीले गोल गर्न नसक्दा खेल अतिरिक्त समयमा धकेलिएको थियो । दुवै गोल प्याट्रिक कटरोनले गरे ।
अतिरिक्त समयको १२औं र १८औं मिनेटमा प्याट्रिक कटरोनले गोल गर्दै एसी मिलानलाई क्वाटरफाइनलमा पुर्याए ।
