काठमाडौं (हाम्रो खेलकुद)– चार जिल्ला फुटबल संघ (एन्फा) ले निर्वाचनमा भएको अनियमितताको आरोपका विषयमा अखिल नेपाल फुटबल संघ (एन्फा) ले केन्द्रिय समितिमा छलफल गर्ने भएको छ ।

वैशाख २२ गते निर्वाचित कार्यसमितिको बिहीबार (माघ ३ गते) लागि तय भएको बैठकमा अनियमिततालगायत विभिन्न १० एजेन्डा तय गरिएको एन्फा प्रवक्ता किरण राईले जानकारी दिएका छन् ।

काठमाडौं, ललितपुर, भक्तपुर र धादिङ जिल्लाका अध्यक्षले संयुक्त रुपमा पत्रकार सम्मेलन गर्दै निर्वाचनका क्रममा भएका अडियो टेप सार्वजनिक गर्दै छानविनका लागि माग गरेका थिए ।

कार्यसमिति निर्वाचन पनि एन्फाको केन्द्रिय समितिको तेस्रो बैठक बस्दैछ । यसअघि निर्वाचन लगत्तै र साउन अन्त्यमा चितवनमा भएको विशेष साधारण सभाका दौरान केन्द्रिय समिति बैठक बसेको थियो ।

बैठकमा फागुनमा नेपालमा आयोजना हुने साफ महिला फुटबल च्याम्पियनसिप, महिला राष्ट्रिय टोली र यू १९ टोलीलाई पुरस्कृत गर्ने, आपतकालिन समितिले गरेका निर्णय, मोफसलमा हुने फुटबल प्रतियोगिताको बर्गिकरण र अर्को वर्ष आयोजना गरिने कार्यक्रमका विषयमा छलफल हुने बताइएको छ ।

त्यस्तै खेलाडीको विामार उपचार सम्बन्धमा, साधारण सभा र फिफा फरवार्डको सिइओको विषयमा एन्जेडा तय भएको प्रवक्ता राईले बताए । उनले अन्य केहि एन्जेडा थप हुन सक्ने अनुमान समेत गरको छन् ।