काठमाडौं (हाम्रो खेलकुद) – नेपाली महिला राष्ट्रिय फुटबल टोलीले अर्को महिना भारतको भुवनेश्वरमा ४ राष्ट्रसम्मिलित प्रतियोगिता खेल्ने भएको छ ।
भारतको भुवनेश्वरमा ७ देखि १७ फेब्रुअरीसम्म हुने प्रतियोगितामा भारतसहित म्यानमार, श्रीलंका र नेपालले प्रतिस्पर्धा गर्नेछन् । मार्च १२ देखि विराटनगरमा हुने साफ च्याम्पियनसिपका लागि यस प्रतियोगितालाई तयारीको रुपमा लिइएको छ ।
नेपाल साफ च्याम्पियनसिपको समूह ‘ए’ मा बंगलादेश, भुटान र पाकिस्तानसँग रहेको छ । अघिल्लो संस्करण सेमिफाइनलमा पराजित भएको नेपाल पाँचौ संस्करणसम्म आइपुग्दा सुरुवाती ३ संस्करणमा भने उपविजेता बनेको थियो । अहिलेसम्म नेपालले चारै संस्करणमा भारतसँग पराजित हुँदै घर फर्कनुपरेको छ ।
