एजेन्सी – फ्रेन्च लिग वान क्लब मोनाकोले आफ्नो मुख्य प्रशिक्षक थिएरी हेनरीलाई बर्खास्त गरेको छ । क्लबले बिहीबार राति उनलाई बर्खास्त गरेको हो । हेनरी गत अक्टोवरमा मात्रै क्लबको मुख्य प्रशिक्षक बनेका थिए ।
पछिल्लो समय उनको प्रशिक्षणमा मोनाकोले लगातार खराव प्रशिक्षण गरेपछि क्लबले उनलाई १ सय ४ दिनमै बर्खास्त गरेको हो । मोनाको अहिले फ्रेन्च लिग वानको रेलिगेसनको जोनको १९औं स्थानमा रहेको छ । हेनरीको प्रशिक्षणमा मोनाकोले २० खेल खेल्दा मात्रै ४ खेलमा जित हात पारेको छ ।
इंग्लिस क्लब आर्सनलका पुर्वफरवार्ड हेनरीलाई बर्खास्त गरेसँगै क्लबले क्लबकै पूर्वप्रशिक्षक लियोनार्दाे जर्दिमलाई अनुबन्ध गर्ने तयारी थालेको छ । हेनरीले नै तीन महिनाअघि उनलाई विस्थापित गर्दै तीन वर्षको लागि प्रशिक्षकमा अनुबन्ध भएका थिए ।
