default_image

5 years ago

January 26, 2019

आहा रारा गोल्डकपको पुरस्कार राशीमा बृद्धि, विजेतालाई ८ लाख १ हजार

पोखरा (हाम्रो खेलकुद) – आहा रारा गोल्डकप फुटबल प्रतियोगिताको पुरस्कार राशीमा बृद्धि गरिएको छ । आयोजक सहारा क्लब पोखराले शनिबार पत्रकार सम्मेलन गर्दै पुरस्कार राशीमा बृद्धि गरिएको जानकारी दिइयो । यसपटक हुने १७ औं आरा रारा गोल्ड कपको विजेताले ८ लाख १ हजार र दोस्रो हुने टोलीले ४ लाख १ हजार रुपैयाँ प्राप्त गर्नेछ । […]

29 views

0 Bookmark

पोखरा (हाम्रो खेलकुद) – आहा रारा गोल्डकप फुटबल प्रतियोगिताको पुरस्कार राशीमा बृद्धि गरिएको छ । आयोजक सहारा क्लब पोखराले शनिबार पत्रकार सम्मेलन गर्दै पुरस्कार राशीमा बृद्धि गरिएको जानकारी दिइयो ।

यसपटक हुने १७ औं आरा रारा गोल्ड कपको विजेताले ८ लाख १ हजार र दोस्रो हुने टोलीले ४ लाख १ हजार रुपैयाँ प्राप्त गर्नेछ । गत वर्ष भन्दा विजेताले १ लाख र दोस्रो हुने टोली ले ५० हजार रुपैयाँ बढी पाउनेछ ।

पत्रकार सम्मेलनमा क्लब अध्यक्ष केशवबहादुर थापाले मोफसलको सबैभन्दा चर्चित सो फुटबल प्रतियोगितालाई अझ महत्व दिन पुरस्कार राशीमा बृद्धि गरिएको बताए । प्रतियोगिता फागुन ९ देखि पोखरा रंगशालामा सञ्चालन हुनेछ ।

निर्माणाधीन पोखरा रंगशालामा अस्थायी प्यारापिट बनाएरै भए पनि प्रतियोगितालाई निरन्तरता दिँदै क्लब विगतको साख जोगाइराख्ने पक्षमा छ । प्रतियोगिता सञ्चालनका लागि रंगशाला बाहेक अर्को विकल्प आफूहरुले नसोचेको क्लब अध्यक्ष थापाले बताए । विगतमा जस्तै प्रतियोगितामा ए डिभिजन क्लब, विभागीय, विदेशी र आयोजक टिमको सहभागिता हुनेछ ।

विदेशी टोलीको टुंगो लागि नसकेको पनि उनले बताए । विगतमा १२ दिनसम्म हुने प्रतियोगिताको मिति घटेर यसपालि १० दिन तय भए पनि विभिन्न ठाउँमा प्रतियोगिता भइरहेकोले टिम टुंगो लाग्ने बित्तिकै १२ दिनसम्म पनि हुनसक्ने आयोजकको अनुमान छ ।

हिमश्री फुड्स प्रालिको उत्पादन आहा तथा रारा तयारी चाउचाउको मुख्यप्रायोजनमा हुँदै आएको सो प्रतियोगिताबाट १ करोड ३० लाख आम्दानी हुने र त्यसमा ३२ लाख रुपैयाँ बचत हुने अनुमान रहेको क्लबका महासचिव विश्वराज बरालले बताए ।

प्रतियोगितामा सर्वोत्कृष्ट राष्ट्रिय फुटबल खेलाडी घोषणा गरि ३५ हजार रुपैयाँ प्रदान गरिने क्लबले जनाएको छ । सर्वाधिक गोलकर्ता, फेयर प्ले पुरस्कार सहित विधागत पुरस्कार समेत प्रदान गरिने बताइएको छ।

प्रतियोगिताको ट्रफी, मेडल, म्यान अफ दी म्याचको पुरस्कार प्रायोजन सहारा यूकेले गरेको छ । सो ट्रफी सहारा युके महासचिव धनु थकालीले प्रतियोगिता मूलआयोजक समिति संयोजक एवं क्लब अध्यक्ष थापालाई हस्तान्तरण गरे ।

क्लबले पोखरा १७ दोबिल्लामा सहारा एकेडेमी संचालन गरी विपन्न तथा कठिन परिस्थितिका २८ जना बालकलाई फुटबल सिकाउँदै आवासीय सुविधा दिएको छ । प्रतियोगिताबाट बचत रकम सोही एकेडेमीमा सदुपयोग गर्दैआएको क्लबका पूर्व अध्यक्ष विक्रम थकालीले बताए ।

सहाराको आयोजनामो यो फुटबलको १८ औं संस्करण हो । आहा राराको लगातार यो १७ औं संस्करण भएपनि त्यसअघि क्याराभान गोल्ड कपको नाममा प्रतियोगिता आयोजना गरिएको थियो ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.