इटहरी (हाम्रो खेलकुद) – मेची नेत्रालय काकरभिट्टा फुटबल ट्रेनिङ सेन्टर मदन भन्डारी स्मृति अन्तर्राष्ट्रिय आमन्त्रण इटहरी गोल्डकप फुटबल प्रतियोगिताको सेमिफाइनलमा पुगेको छ ।
इटहरी रंगशालमा शनिबार क्यामरुनको दाफिन्स फुटबल क्लब टाइब्रेकरमा ४–३ ले हराउँदै मेची नेत्रालय अन्तिम चारमा पुगेको हो । निर्धारित ९० मिनेटको समय गोलरहित बराबरीमा टुंगिएपछि पेनाल्टीमा मेची नेत्रालयले बाजी मार्यो ।
पेनाल्टीमा मेचीका लागि नीराजन खड्का, विकास राई, दीप कार्की र निरज बस्नेतले गोल गरे । भुषण लिम्बु भने गोल गर्नबाट चुके । दाफिन्सका लागि नजमा यानिक, वियक, यानिक ओनाले मात्र गोल गर्न सके । जोएन गोला र आरमिल आहान्डाको प्रहार सफल हुन सकेन । दुई वटा पेनाल्टी रोक्ने मेची नेत्रालयका गोलकिपर दीप कार्की म्यान अफ दी म्याच घोषित भए ।
क्यामरुनको दाफिन्स फुटबल टिमले नेपाल आइस सुदुपश्चिम खप्तड गोल्डकपमा पनि पहिलो खेलबाटै बाहिरएको थियो । प्रतियोगितामा आइतबार आयोजक राष्ट्रिय जागृति क्लबल र पल्सर सहिद स्मारक ए डिभिजन लिगको विजेता सिग्नेचर मनाङ मस्र्याङ्दी क्लबबीच प्रतिस्पर्धा हुनेछ ।
