पोखरा (हाम्रो खेलकुद) – अम्बर सिंह ब्वाइज क्लब (एबिसी) ले आठौं रन्जित गुरुङ्ग स्मृति बगर भाइ खलक एट–ए–साइड भेट्रान फुटबल प्रतियोगिताको उपाधि जितेको छ ।

भारतको कोलकत्ता भेट्रानलाई टाइब्रेकरमा ३–२ ले हराउँदै शनिबार एबिसीले उपाधि जितेको हो । निर्धारित समयमा गोलरहित बराबरीमा टुंगिएपछि पेनाल्टीमा एबिसी भाग्य शाली रह्इो । एबिसीले यो तेस्रो पटक उपाधि जितेको हो । यसअघि २०६८ र २०६९ मा लगातार उपाधि जितेको थियो ।

एबिसीले उपाधि १ लाख र कोलकाले ५० हजा रुपैयाँ प्राप्त गर्यो । आजै एबिसीले चावहिल काठमाण्डौलाई टाइ ब्रेकरमा ३–२ र कोलकत्ता भेट्रानले एक्स पोखरा भेट्रानलाई ४–० ले हराउँदै फाइतल भेट पक्का गरेका थिए ।

एबिसीका सञ्जय गुरुङ सर्वोत्कृष्ट खेलाडी घोषित भए । एबिसीका रबिन शाही उत्कृष्ट गोलकिपर, कोलकत्ताका शाहिक शिकन्दर उत्कृष्ट रक्षक घोषित भए । कोलकाताका कमल भूनिया ७ गोलसहित उत्क गोलकर्ता बने । उनीहरुले समान ५ हजर रुपैयाँ प्राप्त गरे ।

पोखरा महानगरका मेयर मान बहादुर जिशी, हिम श्री फुड्सका निर्देशक प्रकाश केसी, नेपाल ओलोम्पिक कमिटीका सदस्य तेज गुरुङ, मुख्य प्रायोजकका तर्फ बाट मेजर (रि) खुसीमान गुरुङ एम.भि.ओ र उनकी धर्मपत्नी मञ्जु गुरुङ, बगर भाइ खलक यूकेका भानु गुरुङ, ओम प्रकाश गुरुङ, कुमार गुरुङ, धनु थकाली, तमुधी यूकेका संस्थापक अध्यक्ष मिन गुरुङ लगायतले पुरस्कृत गरे ।

८ गते बाट संचालन भएको प्रतियोगितामा काठमाडौ बाट ८, पोखराका ८, विरगञ्ज विभिन्न जिल्ला बाट ८ भारत बाट २ टिम गरि २६ टिमको सहभागिता रहेको थियो ।