इटहरी गोल्डकप – पुलिसको सेमिफाइनल यात्रामा अभिषेक नायक

इटहरी (हाम्रो खेलकुद)– नेपाल पुलिस क्लब मदन भण्डारी स्मृति इटहरी गोल्डकप फुटबल प्रतियोगिताको सेमिफाइनलमा पुगेको छ । भुटान एफसीलाई २–० ले पराजित गर्दै पुलिस अन्तिम चारमा पुगेको हो । पुलिसको जितमा दुवै गोल अभिषेक रिजालले गरेका थिए ।

मोसफलको सर्वाधिक पुरस्कार राशीको सुदूरपश्चिम खप्तड गोल्ड कप विजेता पुलिसले पल्सर सहिद स्मारक ए डिभिजन लिगको विजेता सिग्नेचर मनाङ मस्याङ्दी क्लबको विजेतासँग सेमिफाइनल खेल्नेछ ।

६१ औं मिनेटमा पहिलो गोल गरेका अभिषेकले अर्को गोल इन्जुरी समयको पहिलो मिनेटमा गरेका थिए । तीर्थ रानाले दिएको पासमा पेनाल्टी बक्सबाट अभिषेकले गोल गरेका थिए । इन्जुरी समयका अभिषेकले अर्को गोल थप्दै भुटानी टोलीको खेलमा फर्कने सम्भावनालाई समाप्त पारका थिए । अभिषेक नै खेलको म्यान अफ दी म्याच भए ।

राष्ट्रिय जागृति क्लबको आयोजनामा जारी प्रतियोगितामा बुधबार मेची नेत्रालय काकरभिट्टा ट्रेनिङ सेन्टर र त्रिभुवन आर्मी क्लबबीच पहिलो खेल सेमिफाइनल हुनेछ । शनिबार हुने प्रतियोगिताको फाइनलको विजेताले उपाधिसहित १६ लाख रुपैयाँ जित्नेछ ।