पोखरा (हाम्रो खेलकुद) – ‘ए’ डिभिजन क्लब ब्रिगेड ब्वाइज (बीबीसी) पोखरामा छैटौ मनकामना केबलकार पोखरा कप फुटबल प्रतियोगिताको क्वाटरफाइनलमा प्रवेश गरेको छ ।

पोखरा कप फुटबल खेलको तेश्रो प्रि क्वाटरमा आयोजक पोखरा ११ ब्रिगेड ब्याइज क्लब संग १–० गोलले पराजित हुँदै बाहिरिएको छ । पोखरा रंगशालामा शुक्रबार भएको खेलमा बीबीसीले घरेलु टोली पोखरा–११ लाई १–० ले पराजित गर्दै अन्तिम आठमा पुग्न सफल भयो । बीबीसीलाई क्वाटर फाइनलमा पु¥याउन विदेशी खेलाडी काजिम बुसारीले दोस्रो हाफमा गरेको गोल नै निर्णायक बन्यो ।

प्रतिस्पर्धात्मक बनेको खेलमो ७२औं मिनेटमा बुसारीले गोल गरेका थिए । मनोज राईको प्रहार पोखरा ११ का गोलरक्षक अजित पराजुलीको हात बाट फुस्किदा काजिमको पहिलो प्रयास भने डिफेन्सले बचाएका थिए । रिवाउण्डमा आएको बललाई डि बक्स भित्रै रहेका काजिमले गोलमा परिणत गरे । सोही गोल नै बीबीसीको जितमा पर्याप्त बन्यो । उनी नै खेलको म्यान अफ दि म्याच घोषित भए ।

खेलमा दुबै टिममा फिनिसिङको कमजोरी देखिएपनि २८ औं मिनेटमा पोखरा ११ का बिनोद गुरुङको प्रहार बार नजिक बाट बाहिरिएको थियो । ६२ औं मिनेटमा रन्दिप पौडेलको क्रसलाई हेड मार्फत गोल गर्ने जय गुरुङको प्रयासलाई लक्की कार्कीले बचाउ गरे ।

शनिबारको खेलमा तेश्रो उपाधी बिजेता नेपाल पुलिसले संकटाको सामना गर्ने भएको आयोजक एन्फा कास्कीले जनाएको छ । रंगशालामा हुने प्रतियोगितामा दुई विदेशी टिमसहित १२ टोलीको सहभागिता रहेको छ।

दुई विदेशी टोलीमा जापानको रिस्से विश्व विद्यालय र क्यामरुनको दाफिन्ट फुटबल टोली रहेका छन् । नेपालका मनाङ–मस्र्याङदी, संकटा, थ्री स्टार, त्रिभुवन आर्मी, नेपाल पुलिस, एपीएफ, हिमालयन शेर्पा, च्यासल, ब्रिगेड ब्वाइज र आयोजकको पोखरा–११ रहेका छन् । 

विजेताले ७ लाख ५५ हजार र उपविजेताले ४ लाख ५ हजार रुपैयाँ पुरस्कार प्राप्त गर्नेछन् । उत्कृष्ट खेलाडीलाई मोटरसाइकल प्रदान गरिनेछ । पाँच विधाका उत्कृष्ट खेलाडीले जनही २५ हजार पाउने छन् ।