एजेन्सी – स्पेनका दुई महारथी क्लब रियल मड्रिड र बार्सिलोना चार सातामा तीनपटक आमने समाने हुने भएका छन् ।
स्पेनिस कोपा डेल रे ले सेमिफाइनलका लागि शुक्रबार निकालेको ‘ड्र’ अनुसार रियल र बार्सिलोना भिड्ने पक्का भएपछि चार सातामा तीपटक आमने सामने हुने पक्का भएको हो ।
कोपा डेल रे को पहिलो लेग फेब्रुअरी ६ तारिखमा बार्सिलोनाको घरेलु मैदानमा तथा दोस्रो लेग रियलको मैदानमा २७ फेब्रुअरीमा हुदैछ । स्पेनिस ला लिगाका लागि २ मार्चमा खेल्ने तालिका तय भैसकेको थियो ।
रियल र बार्सिलोनाबीचको खेललाई (एल क्लासिको) को रुपमा लिने गरिन्छ । ला लिगाको पहिलो राउन्डमा बार्सिलोनाले लुइस स्वारेजको ह्याट्रिक मद्दतमा रियल मड्रिडलाई ५–१ को फराकिलो गोल अन्तरले पराजित गरेको थियो ।
रियलले यो सिजन निकै खराव प्रदर्शन गरेपछि पछिल्लो चार खेलमा शतप्रतिशत जित निकालेको छ । यता ला लिगाको शीर्षस्थानमा रहेको बार्सिलोनाले यो सिजन राम्रो खेल पस्किरहेको छ ।
