काठमाडौं (हाम्रो खेलकु)– सहिद स्मारक बी डिभिजन लिगको ब्वाइज युनियन क्लबलाई डिभाइन वाइनले निरन्तर प्रायोजन गरेको छ । पछिल्लो तीन बर्षदेखि क्लबलाई प्रायोजन गर्दै आएको डिभाइनले अर्को एक वर्षका लागि सोमबार सम्झौता गरेको छ ।

ए डिभिजन लिगको पूर्व विजेता क्लबका अध्यक्ष निरजबहादुर राउत तथा डिभाइन वाइनको उत्पादक श्री महाकाली वाइन प्रालीका प्रबन्ध निर्देशक सन्तोष खड्काले सम्झौत पत्रमा हस्ताक्षर गरेका थिए ।

१ वर्षका लागि डिभाइन वाइनले क्बलाई १० लाख रुपैयाँ उपलब्ध गराउनेछ । सोही अवसरमा महाकालीका प्रबन्ध निर्देशक खड्काले ब्वाइज युनियन क्लबका अध्यक्ष राउतलाई १० लाख रुपैयाँको चेक हस्तान्तरण गरेका थिए ।

क्लबको नाम अब डिभाई ब्वाइज युनियन क्लब रहनेछ । क्लबले आउने एक वर्ष सोही नाममा प्रतियोगिताहरुमा सहभागिता जनाउनेछ । प्रतियागिताहरुमा क्लबका खेलाडीले जर्सीमा डिभाइनको लोगो प्रायोग गर्नुपर्नेछ । सोही अवसरमा क्लबको जर्सी पनि प्रदर्शन गरिएको थियो ।

अखिल नेपाल फुटबल संघ (एन्फा) का अध्यक्ष कर्मा छिरिङ शेर्पाले क्लबले आफ्नो प्रतिष्ठालाई पुर्नजिवित गर्नेगरि काम अघि बढाईरहेको आफुले महसुस गरेको बताए । ‘ब्वाइज युनियले आफ्नै भवन बनाएको छ । वडाको सहयोगमा मैदान बनाउने क्रममा देख्दा खुसी लाग्छ,’ उनले भने,‘ एन्फाले कस्तो सहयोग गर्नुपर्छ हामी त्यसका लागि तयार छौं ।’

२०३२ सालमा ए डिभिजन लिग च्याम्पियन बनेको ब्वाइज युनियनले त्यहि वर्ष महेन्द्र गोल्ड कप जितेको थियो । क्लबका नेपाली राष्ट्रिय फुटबल टोलीका पूर्व प्रशिक्षक समेत रहेका भारतीय फुटबल टोलीका पूर्व स्टार श्याम थापाले पनि खेलेका थिए ।