काठमाडौं (हाम्रो खेलकुद) – भारतको भुवनेश्वरमा हुने हिरो महिला गोल्डकप फुटबलका लागि नेपाली टोली मंगलबार त्यसतर्फ प्रस्थान गरेको छ ।
चार देशबीचको सिरिजको थप प्रशिक्षणका लागि नेपाली टोली अघिल्लो शनिबार नै घाँसे मैदानमा थप अभ्यासका लागि झापा प्रस्थान गरेको थियो । माघ २६ गते म्यानमारसँग खेल्दै हिरो महिला गोल्डकप फुटबलको सुरुवात गर्नेछ ।
नेपालले दोस्रो खेलमा माघ २८ गते भारतसँग र फागुन १ गते इरानसँग प्रतिस्पर्धा गर्दैछ । राउण्ड रोविन लिगका आधारमा सञ्चालन हुने प्रतियोगिताका शीर्ष दुई टोली फाइनलमा स्थान बनाउनेछ ।
फागुन अन्तिम साता नेपालमै आयोजना हुने महिला सफल च्याम्पियनसिप र ओलम्पिक छनोटलाई लक्षित गर्दै भारतले चार देशबीचको प्रतियोगिताको आयोजना गरेको हो ।
नेपाली टोली
गोलरक्षकः एन्जिला तुम्वाप्पो सुब्वा, अन्जना राना मगर, उषानाथ
डिफेन्डरः हीरा कुमारी भुजेल, गीता राना, पुनम जर्घामगर, अमृता जैशी, कविता धिमाल, सुनिता चौधरी, पुजा राना, मनमाया लिम्वु
मिडफिल्डरः बिमला चौधरी, अनिता बस्नेत, दिपा राई, मन्जली योञ्जन, सर्मिला थापा, सरु लिम्बु, रेनुका नगरकोटी
फरवार्ड: अनु लामा, रेखा पौडेल, निरु थापा, सावित्रा भण्डारी, अनिता केसी
