5 years ago
February 8, 2019
काठमाडौं (हाम्रो खेलकुद) – नेपाली महिला राष्ट्रिय टोली पछिल्लो समय लगातार प्रशिक्षणमा व्यस्त छ । फाल्गुन मसान्तमा विराटनगरमा सुरु हुने महिला साफ च्याम्पियनसिपको तयारीका लागि टोली अहिले भारतको भुवनेश्वरमा हुने हिरो गोल्ड कपमा सहभागिता जनाउँदै छ । तयारीको हिसाबले यो नेपाली महिला टोलीको लागि अहिलेसम्मकै उत्कृष्ट व्यवस्था हो । लामो समय बन्द प्रशिक्षणमा रहेको टोलीले […]
काठमाडौं (हाम्रो खेलकुद) – नेपाली महिला राष्ट्रिय टोली पछिल्लो समय लगातार प्रशिक्षणमा व्यस्त छ । फाल्गुन मसान्तमा विराटनगरमा सुरु हुने महिला साफ च्याम्पियनसिपको तयारीका लागि टोली अहिले भारतको भुवनेश्वरमा हुने हिरो गोल्ड कपमा सहभागिता जनाउँदै छ । तयारीको हिसाबले यो नेपाली महिला टोलीको लागि अहिलेसम्मकै उत्कृष्ट व्यवस्था हो ।
लामो समय बन्द प्रशिक्षणमा रहेको टोलीले साफ अगाडी आफूभन्दा बलिया टोलीविरुद्ध प्रतियोगिता खेल्न पाउनु निकै फाइदाजनक हुने देखिन्छ । हिरो गोल्डकपमा आयोजक भारतसँगै नेपालले म्यानमार र इरानको सामना गर्दैछ । फिफा विश्व वरियता हेर्दा नेपाल १ सय ८ औं स्थानमा छ भने भारत ६२ औं, इरान ६० औं र म्यानमार ४४ औं स्थानमा छन् ।
नेपाललाई आफूभन्दा माथिल्लो स्तरको टोलीसँग मैत्रीपूर्ण खेल खेल्दै साफको लागि बलियो आधार निर्माण गर्ने अवसर छ । भुवनेश्वरकै वातावरणसँग अभ्यस्त हुन टोली एक साताअघि नै झापा पुगेर प्रशिक्षण गरेको छ ।
नेपालले गत नोभेम्बरमा म्यानमारमा भएको ओलम्पिक छनोटमा भारत र म्यानमारविरुद्ध बराबरी खेलेको थियो । तीन खेलमा तीन बराबरी गर्दै ऐतिहासिक रुपमा दोस्रो चरणमा छनोट भएको नेपालले त्यसयता पनि लगातार प्रशिक्षण गरेको छ ।
यसबीचमा घरेलु प्रतियोगिताको रुपमा प्रधानसेनापति कपमा समेत खेलाडीले प्रतिस्पर्धा गरे । त्यसलगत्तै टोलीमा केहि परिवर्तन गरेर अहिले टोली भारत पुगेको हो । यसपटक टोलीमा केहि नयाँ अनुहार पनि छन् । यू-१९ टोलीका केहि खेलाडीले पनि टोलीमा स्थान बनाएका छन् । समग्रमा टोलीमा युवा खेलाडीको नै बाहुल्यता रहेको छ ।
नेपालले फाल्गुन अन्तिम साता सुरु हुने साफ च्याम्पियनसिप सकिएको एक साताको अन्तरमा नै ओलम्पिक छनोटको दोस्रो चरण पनि खेल्नेछ । यद्यपि दोस्रो चरण कहाँ हुने भन्ने अहिलेसम्म पक्का भएको छैन । दोस्रो चरणमा छनोट भएका १२ टोलीलाई ३ समूहमा विभाजन गरिनेछ र प्रत्यक समूहका शीर्ष टोलीले तेस्रो चरणमा स्थान पक्का गर्नेछन् ।
दोस्रो चरणमा नै नेपालले आफूभन्दा बलिया टोलीहरुको सामना गर्नुपर्ने छ । तर लगातार उच्च स्तरको खेलहरुमा प्रतिस्पर्धा गरिरहेको नेपालले अर्को सफलता हात पार्ने सम्भावना पनि छ । छनोटको पहिलो चरणमा म्यानमार र भारतविरुद्ध बराबरी खेलेपनि नेपालको प्रदर्शन राम्रो रहेको थियो ।
नेपालले शनिबार सुरु हुने हिरो गोल्डकपको पहिलो खेलमा म्यानमारको सामना गर्दैछ । पछिल्लो खेलमा बराबरी खेलेपनि नेपालले अनुकुल नतिजा हात पार्न निकै मिहिनेत गर्नुपर्ने देखिन्छ । खेल नेपाली समयानुसार अपरान्ह ४:१५ बजे सुरु हुनेछ । दोस्रो खेलमा आयोजक भारतसँग सोमबार साँझ ७:१५ खेल्नेछ ।
समूह चरणको अन्तिम खेलमा इरान र नेपाल बुधबार ४:१५ बजे भिड्नेछन् । नेपाल शीर्ष दुई स्थानमा आएको खण्डमा फाइनल खेल शुक्रबार हुनेछ । प्रतियोगिताको सम्पूर्ण खेल कालिंगा रंगशालामा हुनेछ । यस प्रतियोगितामा सहभागी २३ खेलाडी मध्यबाट साफ च्याम्पियनसिपका लागि अन्तिम २० खेलाडीको नाम घोषणा हुनेछ ।
नेपाली टोली :
गोलरक्षकः अन्जना रानामगर, उषा नाथ, एन्जिला तुम्वाप्पो सुब्बा ।
डिफेन्डरः हीराकुमारी भुजेल, गीता राना, पुनम जर्घामगर, अमृता जैसी, कविता धिमाल, सुनिता चौधरी, पुजा राना, मनमाया लिम्बु
मिडफिल्डरः विमला चौधरी, अनिता बस्नेत, दीपा राई, मन्जलीकुमारी योन्जन, शर्मिला थापा, सरु लिम्बु, रेनुका नगरकोटी, अनु लामा
फरवार्डः रेखा पौडेल, निरु थापा (कप्तान), सावित्रा भण्डारी, अनिता केसी
तस्बिर सौजन्य : एन्फा
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]