काठमाडौं (हाम्रो खेलकुद)– सहिद स्मारक बी डिभिजन लिगमा झम्सिखेल युथ क्ल्ब र टुसाल युवा क्लबले विजयी सुरुवात गरेका छन् ।
विना रेलिगेसनको लिगको उद्घाटन खेलमा झम्सिखेलले डिभाइन वाइन ब्वाइज युनियन क्लबलाई १–० ले हरायो । अलिष लुङगेलीले ३९ औं मिनेटमा गरेको गोल खेलको निर्णायक बन्यो ।
ब्वाइज युनियनल खेललाई बराबरी गर्ने मौका पाएरपनि सदुपयोग गर्न सकेन । ७० औं मिनेटमा सुसन लामाको पेनाल्टीलाई झम्सिखेलका गोलपिकर सुवास मगरले रोकेका थिए ।
दोस्रो खेलमा टुसालले श्री भगवती क्लबलाई १–० ले नै हराएको थियो । एलोन राईले २२ औं मिनेटमा गरेको गोल खेलेको निर्णायक रह्यो ।
त्यसअघि ललितपुर महानगरपालिकाका मेयर चिरिबाबु महर्जनले बी लिगको उद्घाटन गरेका थिए । लिगको अर्को खेल आइतबार हुने आयोजक अखिल नेपाल फुटबल संघ (एन्फा) ले जनाएको छ ।
