default_image

5 years ago

February 10, 2019

११ खेलाडीले नै पेनाल्टी हानेपछि अँध्यारो हुँदा खेल स्थगित

काठमाडौं (हाम्रो खेलकुद) – बुढासुब्बा गोल्डकप २०७५ को उद्घाटन खेल अँध्यारो परेपछि स्थगित भएको छ । सीएमजी क्लब संकटा र मेची नेत्रालय काक्करभीट्टा फुटबल ट्रेनिङ सेन्टरबीचको खेल टाइब्रेकरमा पुगेर दुवै टोलीका ११ खेलाडीले टाइब्रेकर लिँदा पनि नतिजा ननिस्केपछि स्थगित भएको हो । निर्धारित समयको खेल २-२ को बराबरीमा सकिएपछि खेल टाइब्रेकरमा धकेलिएको थियो । काक्करभीट्टाले […]

27 views

0 Bookmark

काठमाडौं (हाम्रो खेलकुद) – बुढासुब्बा गोल्डकप २०७५ को उद्घाटन खेल अँध्यारो परेपछि स्थगित भएको छ । सीएमजी क्लब संकटा र मेची नेत्रालय काक्करभीट्टा फुटबल ट्रेनिङ सेन्टरबीचको खेल टाइब्रेकरमा पुगेर दुवै टोलीका ११ खेलाडीले टाइब्रेकर लिँदा पनि नतिजा ननिस्केपछि स्थगित भएको हो । निर्धारित समयको खेल २-२ को बराबरीमा सकिएपछि खेल टाइब्रेकरमा धकेलिएको थियो ।

काक्करभीट्टाले खेलको १० औं मिनेटमा कर्ण लिम्बूको गोलमा अग्रता लिएको थियो । कर्णले पेनाल्टी क्षेत्रभन्दा थोरै बाहिरबाट प्राप्त फ्रिकिकलाई गोलमा परिणत गरेका थिए ।

दोस्रो हाफको ६० औं मिनेटमा संकटाले बराबरी गोल फर्कायो । सेड्रिक अबाको पासमा जय गुरुङले गोल गरेका थिए । खेलको ६८ औं मिनेट काक्करभीट्टाले पुन: अग्रता लियो । संकटाका गोलरक्षक राजबाबु थापाले कर्नरमा नियन्त्रण लिन नसकेको बलमा पुजन उपरकोटिले हेडर गोल गर्दै अगाडी बढाए ।

दोस्रो हाफको इन्ज्युरी समयको दोस्रो मिनेटमा संकटाले बराबरी गोल फर्कायो । दिपेश आले मगरले पेनाल्टी क्षेत्रभित्रबाट गोल गर्दै खेललाई टाइब्रेकरतर्फ धकेलेका थिए ।

टाइब्रेकरमा दुवै टोलीले जित दर्ता गर्न सकेनन् । पहिलो पाँच पेनाल्टी ४-४ को अवस्थामा सकिंदा सडन डेथमा दुवै टोलीले १-१ प्रहार चुकाए । ९-९ को स्थितमा छँदा दुवै तर्फका खेलाडीले बल देख्न नसक्ने जनाएपछि खेल स्थगित भएको हो । सोमबार खेल यसै स्थितिबाट सुरु हुने जानकारी आयोजकले दिएको छ ।

April 19, 2024

इंग्लिस क्लब च्याम्पियन्स र युरोपा लिगकाे क्वाटरफाइनलबाटै बाहिर

एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]

April 19, 2024

लिभरपुल युरोपा लिगबाट बाहिरियो

एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

Success

Thank you for your time.