एजेन्सी – इटालियन लिगको साविक विजेता युभेन्टसले लिगअन्तर्गत शुक्रबार फ्रोसिनोनेलाई ३-० ले पराजित गर्दै अपराजित यात्रा कायमै राखेको छ ।
लिगको शीर्षस्थानमा अग्रता बढाउने क्रममा युभेन्टसले खेलको सुरुवाती समयदेखि दवाव बनाएको थियो । छैटौं मिनेटमा क्रिस्टियानो रोनाल्डोले दिएको पासमा पाउलो डिबालाले गोल गर्दै घरेलु टोलीलाई अगाडी बढाए । १७ अौं मिनेटमा लिअोनार्डो बोनुचीले दोस्रो गोल थपे ।
दोस्रो हाफको ६३ अौं मिनेटमा क्रिस्टियानो रोनाल्डोले सिजनको व्यक्तिगत १९ अौं गोल गर्दै युभेन्टसको जित पक्का गरे । उनी लिगमा सर्वाधिक गोलकर्ताको सुचिमा शीर्षस्थानमा रहेका छन् । उनले यसक्रममा ९ असिस्ट प्रदान गरेका छन् ।
लिगको अंक तालिकामा युभेन्टस २४ खेलमा ६६ अंकसहित शीर्षस्थानमा छ । दोस्रो स्थानमा रहेको नेपोलीले २३ खेलमा ५२ अंक जोडेको छ ।
