तिलोत्तमा गोल्डकप आज सुरु हुँदै, झापा र एपिएफ भिड्ने

दिपक न्यौपाने
बुटवल – बुटवलको प्रतिष्ठित तिलोत्तमा गोल्ड कप नकआउट फुटबल प्रतियोगिताको २१ औं संस्करण आज सुरु हुँदैछ । १० टोलीको सहभागिता रहेको प्रतियोगिताको उद्घाटन खेलमा समूह ए अन्तर्गत नेपाल एपिएफ क्लब र झापा ११ बीच प्रतिस्पर्धा हुनेछ ।

समूह कपमा क्यामरुनको दाउफिन्स एफसी, सुनसरी ११ र लाली रुपन्देही रहेका छन् । त्यस्तै समूह खमा च्यासल युथ क्लब, सिएमजी क्लब संकटा, सिग्नेचर मनाङ मस्र्याङ्दी क्लब, भारतको ब्रदर्श युनाइटेड र नेपाल पुलिस क्लब रहेका छन् ।

रुपन्देही जिल्ला फुटबल संघको आयोजनामा सञ्चालन हुने प्रतियोगिता एन्फा टेक्निकल सेन्टर देविनगरमा हुनेछ । फागुन १३ गते फाइनल हुने प्रतियोगिताको विजेताले ८ लाख ८० हजार र दोस्रो हुने टोलीले ५ लाख ५० हजार रुपैयाँ प्राप्त गर्नेछन् ।