एजेन्सी – युवा खेलाडी फिल फोडेनको उत्कृष्ट प्रदर्शनमा म्यानचेस्टर सिटीले एफए कपअन्तर्गत शनिबार भएको खेलमा न्यूपोर्ट काउन्टीलाई ४-१ ले पराजित गरेको छ । यससँगै सिटी क्वाटरफाइनलमा प्रवेश गरेको छ ।
खेलको पहिलो हाफमा तल्लो श्रेणीको न्यूपोर्टले सिटीको दबाबलाई परास्त गर्दै गोलरहित बराबरी खेलेको थियो । दोस्रो हाफको ५१ औं मिनेटमा लेरोय सानेले गोल गर्दै सिटीलाई अगाडी बढाए । फोडेनले ७५ औं मिनेटमा अग्रता दोब्बर पारे । न्यूपोर्टका लागि अमोन्डले ८८ औं मिनेटमा गोल गर्दै अग्रता घटाएका थिए ।
लगत्तै फोडेनले व्यक्तिगत दोस्रो गोल गर्दै सिटीको २ गल्को अग्रता पुन: स्थापना गरे । फोडेनको जारी सिजन कप प्रतियोगितामा यो पाँचौ गोल हो । इन्ज्युरी समयको चौथो मिनेटमा रियाद माहरेजले गोल गर्दै सिटीको जित पक्का गरे ।
