5 years ago
February 18, 2019
काठमाडौं (हाम्रो खेलकुद) – हिरो गोल्डकपको उपविजेता नेपाली राष्ट्रिय महिला फुटबल टोली सोमबार स्वदेश फर्किएको छ । भारतको भुवनेश्वरमा आयोजना भएको प्रतियोगितामा ४ देशको सहभागिता रहेको थियो । नेपाली टोली भारतको भुवनेश्वरबाट सोमबार स्वदेश फर्किएपनि काठमाडौं आउने छैनन् । अखिल नेपाल फुटबल संघका अनुसार नेपाली महिला फुटबल टोली पाँचौ महिला साफ च्याम्पियनसिपका लागि इटहरीमा रहेर […]
काठमाडौं (हाम्रो खेलकुद) – हिरो गोल्डकपको उपविजेता नेपाली राष्ट्रिय महिला फुटबल टोली सोमबार स्वदेश फर्किएको छ । भारतको भुवनेश्वरमा आयोजना भएको प्रतियोगितामा ४ देशको सहभागिता रहेको थियो ।
नेपाली टोली भारतको भुवनेश्वरबाट सोमबार स्वदेश फर्किएपनि काठमाडौं आउने छैनन् । अखिल नेपाल फुटबल संघका अनुसार नेपाली महिला फुटबल टोली पाँचौ महिला साफ च्याम्पियनसिपका लागि इटहरीमा रहेर बन्द प्रशिक्षणमा रहनेछ । महिला साफ च्याम्पियनसिप फागुन २८ गतेबाट विराटनगरमा आयोजना हुदैछ । यसै प्रतियोगिताको तयारीका लागि भारतले चार देशबीच हिरो महिला गोल्डकप आयोजना गरेको थियो । उक्त गोल्डकपमा नेपाल उपविजेता बनेको थियो ।
शनिबार भएको फाइनलमा नेपाल म्यानमारसँग ३–१ ले परजित भएको थियो । लिग चरणको पहिलो खेलमा म्यानमारसँग ३–० ले पराजित भएपनि नेपालले त्यसपछि भारतलाई २–१ ले तथा इरानलाई ३–० ले पराजित गर्दै फाइनलमा प्रवेश गरेको थियो ।
साफ च्याम्पियनसिपको सुरुवाती तीन संस्करणको उपविजेता नेपाल गत संस्करणमा भने सेमिफाइनलबाटै बाहिरिएको थियो । सबै भेटमा नेपाल भारतसँग नै निराश हुनुपरेको थियो । तर, हिरो महिला गोल्डकपमा भारतीय टोलीलाई २–१ पराजित गरेपछि नेपाली टोलीको मनोबल उच्च छ । नेपालले महिला फुटबलमा भारतलाई पराजित गरेको त्यो पहिलो अवसर हो ।
साफ च्याम्पियनसिपमा नेपाल समूह ‘ए’ मा रहेको छ । नेपाल रहेको समूहमा बंगलादेश, भुटान र पाकिस्तान रहेका छन् । समूह ‘बी’ मा भारत, श्रीलंका र माल्दिभ्स रहेका छन् । नेपालले २८ फागुनमा भुटानसँग खेल्दै प्रतियोगिताको सुरुवात गर्नेछ । त्यसपछि ३० फागुनमा पाकिस्तान तथा २ चैतमा बंगलादेशसँग प्रतिस्पर्धा गर्नेछ । हरेक समूहका दुई टोलीले सेमिफाइनलमा स्थान बनाउनेछ । फाइनल खेल ८ चैतमा हुनेछ ।
April 24, 2024
एजेन्सी – युभेन्ट्स कोपा इटालियाको फाइनलमा प्रवेश गरेको छ। खेलको अन्त्यतिर गोल गरेपछि समग्रमा लाजियोलाई ३-२ ले पछि पार्दै युभेन्टस अन्तिम दुईमा पुगेको हो। बुधबार भएको दोस्रो लेगमा २-१ ले पराजित भएको युभेन्ट्सले पहिलो लेगमा २-० को जित निकालेको थियो।८३ औं मिनेटमा परिवर्तित खेलाडीका रुपमा मैदान प्रवेश गरेको केही सेकेन्डमै आर्काडिउज मिलिकले गोल गरेपछि युभेन्ट्सको […]
April 24, 2024
एजेन्सी – आर्सनलले इंग्लिस प्रिमियर लिगमा ३ अंकको स्पष्ट अग्रता लिएको छ। चेल्सीलाई मंगलबार ५-० ले हराउँदै आर्सनलले दोस्रो स्थानको लिभरपुललाई ३ अंकले पछि छाडेको छ । आर्सनलको ७७ अंक छ । लिभरपुलले एक खेल कम खेलेको छ भने २ खेल कम खेलेको तेस्रो स्थानको म्यानचेस्टर सिटी ७३ अंक छ।एफए कपको सेमिफाइनलमा सिटी सँग पराजित […]
April 23, 2024
सुर्खेत (हाम्रो खेलकुद) – लुम्बिनी प्रदेशले महिला लिग छनोटमा पहिलो जित हासिल गरेको छ । उत्कृष्ट पूनरागमन गर्दै लुम्बिनीले मंगलबार बागमती प्रदेशलाई ३–१ को नतिजामा माथ दिएको हो । सर्खेतस्थित कर्णाली प्रदेश रंगशालामा भएको खेलमा पहिलो अग्रता बागमतीले बनायो। २४औं मिनेटमा सुमित्रा तामाङको गोलमा बागमती अगाडि लागेको थियो । तर यो अग्रता खेलको ४०औं मिनेटमा […]