काठमाडौं (हाम्रो खेलकुद)- भारतको गुवाहाटीमा आजदेखी सुरु डाक्टर तालिमेरेन टि ओ फुटबल च्याम्पियनसिपमा एन्फाको यु–२१ टोलीले हारबाट सुरुआत गरेको छ । समुहको बि को पहिलो खेलमा मेघालयसंग ३–२ ले पराजित हुँदै नेपालले हारबाट सुरुआत गरेको हो ।
मेघालयको जितमा रोबट खोङजो, सइबोरनोन गुरुम र फिगो सेन्डाईले गोल गर्दा नेपालका रेजिन सुब्बा र प्रिजन तामाङले गोल गरे । खेलको १५ औं मिनेटमा रोबटको गोलमार्फत मेघालयले अग्रता लिएको थियो ।
तर ३८ औं मिनेटमा नेपालले रेजिनको गोलमार्फत खेल बराबरी पार्यो । ७६ औं मिनेटमा सइबोरनोन गुरुमले गोलगरेपछि २–१ को स्थितीमा पुगेको मेघालयले इन्जुरी समय गोल गर्दै अग्रता ३–१ मा पुयाएको थियो ।
तर, इन्जुरी समयमा नेपालका प्रिजनले पेनाल्टीमार्फत अग्रता घटाएका थिए । प्रिजनले पेनाल्टी अवसरलाई सदुपयोग गर्दै अग्रता ३–२ मा पुयाएपनि टोलीलाई जित दिलाउन सकेन् । दोस्रो खेल नेपालले भोली त्रिपुरासँग खेल्नेछ । समूहका विजेता र उपविजेताले दोस्रो चरणमा भिड्नेछन् । प्रतियोगिताको फाईनल खेल २८ तारिखमा हुनेछ ।
