एजेन्सी – चेल्सीका गोलरक्षक केपा अर्रिजाबगलाले म्यान्चेस्टर सिटीविरुद्ध लिग कप फाइनलमा प्रशिक्षक माउरिजियो सार्रीले परिवर्तन गर्न खोज्दा अटेर गर्दै मैदान बसेपछि उनको धेरै आलोचना भयो । क्लबले गोलरक्षक केपालाई एक साताको तलब जरिवाना लिएर कारवाही नै गर्यो । उनको चौतर्फी आलोचना पनि भयो ।

विश्व फुटबलमा यो नौलो घटना भने थिएन । लिग कपको फाइनल र खेल टाइब्रेकरतर्फ धकेलिँदै गर्दा गोलरक्षकले त्यसो गर्नाले उक्त घटनाले ठुलो चर्चा पायो । यसअघि पनि विश्वका चर्चित खेलाडीहरुले प्रशिक्षकको निर्णयका विपरित मैदानमा रहन जिद्दी गरेका छन् । विगतको दशक ब्यालोन डी’ओर उपाधिमा दबदबा बनाएका क्रिस्टियानो रोनाल्डो र लिओनेल मेसी दुवैले आफ्नो करिअरमा यस्तो व्यवहार गरेका छन् ।

सन् २०१४ अक्टोबरमा बार्सिलोनाका प्रशिक्षक लुइस इन्रिकेले फरवार्ड लिओनेल मेसीलै परिवर्तन गर्न तयारी गरे । घरेलु मैदानमा एइबारविरुद्ध ३-० को अग्रता लिएको अवस्थामा उनले आफ्ना मुख्य खेलाडीलाई विश्राम दिन चाहेका थिए । तर मेसीले उनको आग्रह नकारे । एन्रिकेले मुनिर एल हद्दादीलाई मैदान छिराउने तयार गरिसकेको स्थितिमा मेसीले नमानेपछि नेयामर मैदानबाहिर जाँदै मुनिरलाई खेल्न स्थान दिएका थिए ।

Messi refuses to be substituted against Eibar .The two engaged in a war of hand-waving before Messi turned away his head, walking further up the field and ignoring his boss’ pleas. Enrique wanted resting messi for next match.#CHEMCI #sarri #KepaGate pic.twitter.com/I9018o3oaY

— Rohan waghe (@waghe_rohan) February 25, 2019

यसैगरी पोर्चुगिज फरवार्ड क्रिस्टियानो रोनाल्डोले पनि सन् २०१७ अप्रिलमा बायर्न म्युनिखविरुद्ध च्याम्पियन्स लिगको क्वाटर फाइनलमा प्रशिक्षक जिनेदिन जिदानले परिवर्तन गर्ने प्रयास गर्दा उक्त प्रयास नकारेका थिए । त्यसअघि सन् २०१० मा ज्लाटन इब्राहिमोभिचले एसी मिलानमा गोलको खुसी मनाउँदा चोट बोकेपछि प्रशिक्षकले परिवर्तन गर्न खोज्दा बाहिर निस्कन नकारेका थिए ।

बाहिर निस्कने नमान्ने त छँदै छ, सन् २०११ सेप्टेम्बरमा म्यानचेस्टर सिटीका कार्लोस टेभेजले प्रशिक्षकले बेन्चबाट मैदान प्रवेश गराउन खोज्दा जान नमानेपछि लामो समय मैदानबाहिर नै रहनुपरेको थियो ।