एजेन्सी – स्पेनिस ला लिगा अन्तर्गत शनिबार बार्सिलोनाले रियल म्याड्रिडलाई पराजित गर्दै लिगको शीर्षस्थानमा अग्रता बढाएको छ । रियलको घरेलु मैदान सान्टियागो बर्नाबाउमा बार्सिलोना १-० ले विजयी रह्यो ।
बार्सिलोनाको जितमा इभान राकिटिचले २६ अौं मिनेटमा गरेको गोल नै निर्णायक सावित भयो । डिफेन्डर सर्जी रोबर्टोसँग वन-टु पास खेलेर सिर्जना गरेको मुभमा राकिटिचले गोल गरेका हुन् । त्यसअघि रियलका गोलरक्षक थिबाउट कोर्टूवाले लिअोनल मेसी र लुइस सुअारेजको प्रहारलाई विफल पारेका थिए ।
रियलका लागि खेलको अन्तिम समयमा करीम बेन्जेमा र राफेल भारानेले पाएको अवसर सदुपयोग गर्न सकेनन् । यस हारसँगै रियल उपाधि होडबाट बाहिरिएको छ । लिगका १२ खेलमात्र बाँकी रहँदा रियल बार्सिलोनाभन्दा १२ अंकले पछाडि छ । यसै साता कोपा डेल रेको कोमिफाइनलमा बार्सिलोनासँग समग्रमा ४-१ ले पराजित भएको रियल यस हारले लिगमा पनि उपाधिविहिन रहने भएको छ ।
