5 years ago
March 20, 2019
विराटनगर (हाम्रो खेलकुद) – नेपाली महिला राष्ट्रिय फुटबल टोली पाँचौ साफ महिला च्याम्पियनसिपको फाइनल प्रवेश गरेको छ । बुधबार भएको सेमिफाइनलमा श्रीलंकालाई ४-० को फराकिलो अन्तरले पराजित गर्दै नेपालले उपाधि भिडन्तमा स्थान पक्का गरेको हो । यो नेपालको चौथो फाइनल यात्रा हो । शहिद रंगशालामा पहिलो हाफको अन्त्यतिर पुनम जर्घामगरले गोल गरेपछि नेपालले अग्रता लिएको […]
विराटनगर (हाम्रो खेलकुद) – नेपाली महिला राष्ट्रिय फुटबल टोली पाँचौ साफ महिला च्याम्पियनसिपको फाइनल प्रवेश गरेको छ । बुधबार भएको सेमिफाइनलमा श्रीलंकालाई ४-० को फराकिलो अन्तरले पराजित गर्दै नेपालले उपाधि भिडन्तमा स्थान पक्का गरेको हो । यो नेपालको चौथो फाइनल यात्रा हो ।
शहिद रंगशालामा पहिलो हाफको अन्त्यतिर पुनम जर्घामगरले गोल गरेपछि नेपालले अग्रता लिएको थियो । निरु थापाले दिएको एक्रोब्याटिक पासमा सावित्रा भण्डारीको हेडरले पोस्टको दिशा लिन नसक्दा पुनमले ६ यार्ड बक्स भित्रबाट गोल गरेकी हुन् ।
खेलको दोस्रो हाफमा नेपालले आक्रमक खेल प्रस्तुत गर्दै ३ गोल थप्यो । ७३ औं मिनेटमा अनिता बस्नेतले गोल गर्दै अग्रता दोब्बर पारिन् । विपक्षी गोलकपिरबाट रिबाउन्ड भएको बलमा अनिताले गोल गरेकी थिइन् । जारी प्रतियोगितामा अनिताको यो पहिलो गोल हो ।
८२ औं मिनेटमा सावित्रा भण्डारीले तेस्रो गोल गरिन् । उनले अनिताको क्रसमा पेनाल्टी क्षेत्रभित्रबाट हेडरमा गोल गरेकी हुन् । परिवर्तित खेलाडी रेखा पौडेलले ८६ औं मिनेटमा गोल गर्दै नेपालको अग्रतालाई ४–० बनाएकी थिइन् । अनिताले प्रहार गरेको बललाई रोक्दै रेखाले गोल गरेकी थिइन् । रेखा ६५ औं मिनेटमा कप्तान निरु थापाको ठाँउमा मैदान प्रवेश गरेकी थिइन् ।
नेपालले शनिबार हुने फाइनलमा दोस्रो सेमिफाइनलको विजेतासँग खेल्नेछ । अर्को सेमिफाइनल भारत र बंगलादेशबीच बुधबार ३ः०० बजे सुरु हुनेछ ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]