विराटनगर (हाम्रो खेलकुद)– महिला साफ च्याम्पियनसिपअन्तर्गत बंगलादेशविरुद्धको दोस्रो सेमिफाइनलको पहिलो हाफमा भारतले ३–० को अग्रता लिएको छ । यो खेलको विजेताले शुक्रबार नेपालसँग उपाधिका लागि प्रतिस्पर्धा गर्नेछ ।
भारतका लागि इन्दुमती काथेरासेनले २ र अर्को गोल डालिमा चेबेरले गरेकी थिइन् । एकपक्षिय खेलको १८ औं मिनेटमा डालिमाको गोलबाट भारतले अग्रता बनाएको थियो । कर्नरमा आएको बललाई बंगलादेशकी गोलकिपरले पन्च गर्न नसकेपछि डालिमाले नजिकबाट गोल गरेकी थिइन् ।
इन्दुमतीले २३ औं र ३७ औं मिनेटमा गोल गर्दै भारतको अग्रतालाई फराकिलो बनाइकी थिइन् । भारत र बंगलादेशबीच अघिल्लो संस्करणको फाइनल भएको थियो । भारतले यसअघिका सबै चार संस्करण जितेको थियो ।
आजै भएको पहिलो सेमिफाइनलमा श्रीलंकालाई ४–० ले हराउँदै अन्तिम दुईको यात्रा तय गरेको थियो ।
