काठमाडौं (हाम्रो खेलकुद) – नेपाली राष्ट्रिय फुटबल टोलीका लागि मिडफिल्डर रवी पासवानले कुवेतविरुद्ध मैत्रीपूर्ण खेलमा डेब्यु गरेका छन् ।
रवीले खेलको ६१ औं मिनेटमा सुमन लामाको स्थानमा मैदान प्रवेश गर्दै राष्ट्रिय टोलीबाट डेब्यु गरेका हुन् । राष्तिर्य टोलीमा परेको पहिलो अवसरमा नै रवीले डेब्यु गर्ने मौका पाएका हुन् ।
नेपाल पुलिस क्लबबाट व्यावसायिक फुटबल खेल्दै आएका रवीले यसअघि मनाङ मर्स्याङदी क्लबबाट पनि खेलिसकेका छन् । उनले मोफसलको प्रतियोगिताहरुमा उत्कृष्ट प्रदर्शन गर्दै राष्ट्रिय टोलीको यात्रा तय गरेका हुन् ।
रवीले धनगढीको खप्तड गोल्डकपमा सर्वोत्कृष्ट खेलिद घोषित हुँदै स्कुटर पनि जितेका थिए ।
