काठमाडौं (हाम्रो खेलकुद) – नेपाली राष्ट्रिय फुटबल टोलीबाट मिडफिल्डर सन्तोष तामाङ र डिफेन्डर सुरज विकले डेब्यु गरेका छन् ।
कुवेतविरुद्ध मैत्रीपूर्ण खेलको ८१ औं मिनेटमा सन्तोषले भरत खवासको स्थान लिँदै मैदान प्रवेश गरे । यस्तै सुरज अजित भण्डारीको स्थानमा ८३ औं मिनेटमा मैदान छिरेका हुन् ।
दुवै खेलाडी पहिलो पटक राष्ट्रिय टोलीमा परेका हुन् । सुरज लिग च्याम्पियन मनाङ मर्स्याङदी क्लबबाट खेल्ने गर्छन् भने सन्तोष त्रिभुवन आर्मी क्लबका खेलाडी हुन् ।
