विराटनगर (हाम्रो खेलुकद) – प्रदेश नम्बर १ सरकारले विराटनगरमा जारी पाँचौ संस्करणको महिला साफ च्याम्पियनसिप जिते जनही २–२ लाख दिने घोषणा गरेको छ ।

अखिल नेपाल फुटबल संघ (एन्फा) का मिडिया अफिसर आयुष खड्काका अनुसार आज हुने भारतविरुद्धको फाइनल खेलमा जित हात पार्दै उपाधि जिते टिमका प्रत्येक खेलाडीलाई जनही २–२ लाख दिने घोषणा गरेको बताइएको छ ।
फाइनलमा पराजित भए जनही १–१ लाख दिने पनि बताइएको छ । नेपाल र भारतबीच अहिले दिउँसो ३ बजेपछि विराटनगरस्थित शहिद रंगशालामा फाइनल खेल हुँदैछ । नेपालले सेमिफाइनलमा श्रीलंकालाई तथा भारतले बंगलादेशलाई समान ४–० को गोल अन्तरमा पराजित गर्दै उपाधि भिडन्त पक्का गरेको थियो ।
भारत चारै संस्करणको च्याम्पियन हो भने, नेपाल ३ संस्करणको उपविजेता र अघिल्लो संस्करणमा सेमिफाइनलमा रोकिएको थियो । पराजित भएको सबै खेलमा नेपाल भारतसँगै नै पराजित भएको हो ।