एजेन्सी – पोर्चुगलको राष्ट्रिय टोलीमा पुनरागमन गरेका स्टार फरवार्ड तथा कप्तान क्रिस्टियानो रोनाल्डो गत साता मैत्रीपूर्ण खेल दौरान घाइते भए । चोटबाट विश्राम लिने क्रममा रोनाल्डो अहिले बार्सिलोना पुगेका छन् ।
यसै सिजन स्पेनिस क्लब रियल म्याड्रिड छाडेर इटालीको युभेन्टस पुगेका रोनाल्डो बुधबार बार्सिलोना पुगेका हुन् । ३४ वर्षिया रोनाल्डो चोटबाट विश्राम लिने क्रममा आफ्नो प्रायोजक नाईकको कार्यालयमा पुगेका हुन् । रोनाल्डोसँगै प्रेमिका जिओर्जिनिआ रोड्रीग्वेज पनि साथमा रहेकी थिइन् ।
रोनाल्डोले राष्ट्रिय टोलीबाट खेल्दा चोट बोकेपछि विस्तृत स्वास्थ्य परिक्षणका लागि इटाली फर्कने कार्यक्रम रहेको बताइएको थियो । तर रोनाल्डोले चोट खासै ठुलो नभएको भन्दै विश्राम गरेर आफ्नो प्रायोजकहरुलाई समय दिइरहेका छन् ।
रोनाल्डोले चोटका कारण च्याम्पियन्स लिगमा क्वाटरफाइनल खेल गुमाउने सम्भावना भने निकै कम रहेको बुझिएको छ । उनले लिगको खेलमा विश्राम लिएर च्याम्पियन्स लिगका लागि तयार रहने क्लब स्रोतले जनाएको छ । क्लबका अनुसार रोनाल्डोको तिघ्रामा सामान्य चोट लागेको र त्यसका लागि उपचार जरुरि नरहेको बताएको छ ।
