एजेन्सी – ३५ वर्षपछि पहिलोपटक इंग्ल्यान्डका चार क्लबले युरोपियन क्लब फुटबलको दुई ठुला प्रतियोगिता युइएफए च्याम्पियन्स लिग र युरोपा लिगको सेमिफाइनलमा प्रवेश गरेको छ ।

च्याम्पियन्स लिगमा लिभरपुल र टोटेनहम हस्टपर तथा युरोपा लिगमा चेल्सी र आर्सनल सेमिफाइनलमा प्रवेश गरेसँगै सन् १९८३÷८४ को सिजनपछि यो सम्भव भएको हो ।

पछिल्लो समय इंग्लिस फुटबल चर्चित मानिने भएपनि टिमहरुले ठुला प्रतियोगिताका सम्मानजनक स्थितिमा पुग्न नसक्दा आलोचना खेपिरहेको थियो । तर, यो सिजन चार क्लबहरु लिभरपुल, टोटेनहम हस्टपर, चेल्सी र आर्सनल सेमिफाइनलमा प्रवेश गरेसँगै इंग्लिस फुटबल सही ट्याकमा फर्किएको सन्देश दिएको छ ।

च्याम्पियन्स लिग र युरोपा लिगको सेमिफाइनल समिकरणसँग दुवै लिगमा इंग्लिस क्लब फाइन्लमा पुग्ने उत्तिकै सम्भवाना छ । च्याम्पियन्स लिगमा लिभरपुलले बार्सिलोना तथा टोटेनहमले आयाक्ससँग खेल्दैछ ।

युरोपा लिगमा चेल्सीले जर्मन क्लब फ्रान्कफर्ट तथा आर्सनलले भ्यालेन्सियासँग प्रतिस्पर्धा गर्दैछ । यस्तोमा चारै क्लब फाइनलमा पुग्ने उत्तिकै सम्भावना छ ।

सन् १९८३÷८४ को सिजनमा चार इंग्लिस क्लब तीन ठुला लिगको उपाधिनजिक थिए । लिभरपुल युरोपियन कप, म्यानचेस्टर युनाइटेड विनर्स कप र नथिङहम फरेस्ट र टोटेनहम युइएफए कपको सेमिफाइनलमा पुगेका थिए । लिभरपुलले युरोपियन कप तथा टोटेनहमले युइएफए कप जित्न सफल भयो ।