5 years ago
April 20, 2019
एजेन्सी – इंग्लिस प्रिमियर लिग फुटबलमा आज साँझ म्यानचेस्टर सिटीले घरेलु मैदानमा टोटेनहम हस्टपरको सामना गर्दैछ । खेल साँझ ५ः१५ बजे सिटीको घरेलु मैदान इतिहाद स्टेडियममा हुदैछ । प्रिमियर लिग उत्तरार्धमा रहँदा निकै रोमाञ्चक बनेको उपाधि होडमा म्यानचेस्टर सिटी र लिभरपुल रहेको छ । त्यसैले सिटीलाई टोटेनहमविरुद्धको खेल निकै महत्वको छ । म्यानचेस्टर सिटी पाहुना […]
एजेन्सी – इंग्लिस प्रिमियर लिग फुटबलमा आज साँझ म्यानचेस्टर सिटीले घरेलु मैदानमा टोटेनहम हस्टपरको सामना गर्दैछ । खेल साँझ ५ः१५ बजे सिटीको घरेलु मैदान इतिहाद स्टेडियममा हुदैछ ।
प्रिमियर लिग उत्तरार्धमा रहँदा निकै रोमाञ्चक बनेको उपाधि होडमा म्यानचेस्टर सिटी र लिभरपुल रहेको छ । त्यसैले सिटीलाई टोटेनहमविरुद्धको खेल निकै महत्वको छ । म्यानचेस्टर सिटी पाहुना टोलीलाई पराजित गर्दै लिगको शीर्षस्थानमा उक्लने योजनामा हुनेछ ।
एक खेल कम खेलेको सिटी शीर्षस्थानको लिभरपुलभन्दा २ अंकले पछि छ । टोटेनहमलाई पराजित गरे सिटीले शीर्षस्थानमा एक अंकको अग्रता बनाउनेछ ।
सिटीले च्याम्पियन्स लिगको क्वाटरफाइनलको दोस्रो लेगमा टोटेनहमलाई पराजित गरेपनि अवे गोलको आधारमा टोटेनहम अघि बढ्दा सिटी क्वाटरफाइनलबाटै बाहिरिन पुगेको थियो । क्वाटरफाइनलबाटै बाहिरिनु परेको पीडा सिटीले प्रिमियर लिगमा देखाउने छ । सिटी पहिलो राउन्डमा १–० ले विजयी भएको थियो ।
सिटीले प्रिमियर लिगमा टोटेनहमविरुद्धको पछिल्ला तीनै खेलमा सफलता हात पारेको छ । यो खेलमा पनि सोही प्रदर्शनलाई निरन्तरता दिने लक्ष्यमा सिटी हुनेछ । सिटीका लागि मुख्य हतियार सर्जियो अग्विरो हुनेछ । उनलाई रहिम स्ट्रलिङ, लिरोए साने, गाब्रियल जेसस, केभिन डि ब्रुयन, बर्नाडो सिल्भा र फर्नाडिन्हो जस्त खेलाडीले साथ दिनेछन् ।
यता, लिगको तेस्रो स्थानमा रहेको टोटेनहम सिटीलाई पराजित गर्दै अर्काे सिजनको च्याम्पियन्स लिगको लागि स्थान बलियो बनाउने लक्ष्यमा हुनेछ । टोटेनहमको ३३ खेलबाट ६७ अंक रहेको छ । जुन चौथो स्थानको आर्सनलको भन्दा एक अंक बढी हो ।
च्याम्पियन्स लिगमा सिटीविरुद्ध अवे गोलका कारण सेमिफाइनलको यात्रा तय गरेको टोटेनहम उच्च मनोवलका साथ मैदान उत्रनेछ । तर, सिटीसँगको खेलमा टोटेनहमको इतिहास राम्रो छैन ।
सिटीको मैदानमा पछिल्ला ८ भेटमा टोटेनहमले समान १ जित र बराबरीको नतिजा निकाल्दा ६ खेलमा हार बेहोरेको छ । पछिल्ला खेलमा उच्च प्रदर्शन गरिरहेका ह्युङ मिन सन टोटेनहमको मुख्य हतियार हुनेछ । उनलाई फर्नान्डो लोरेन्टे, लुकास मौरा र क्रिस्टियन इरिक्सनले साथ दिनेछ । चोटका कारण ह्यारी केन र इरिक डेयर सिटीविरुद्ध खेल्ने छैनन् ।
प्रिमियर लिगमा आजका अन्य खेलहरु
बर्नमाउथ विरुद्ध फुलहम (७ः४५ बजे)
हडर्सफिल्ड विरुद्ध वाटफोर्ड (७ः४५ बजे)
वेस्टह्यामविरुद्ध लेस्टर सिटी (७ः४५ बजे)
वल्भ्सविरुद्ध ब्राइटन(७ः४५ बजे)
न्यु क्यासल विरुद्ध साउथ ह्याम्पटन (१०ः१५ बजे)
April 29, 2024
एजेन्सी – पेरिस सेन्ट जर्मान (पिएसजी) ले १२औं पटक फ्रेन्च शीर्ष डिभिजन लिगको उपाधि जितेको छ । गएराती सम्पन्न खेलमा मो लियोन सँग ३-२ ले पराजित भएसँगै पिएसजी तीन खेल बाँकी छदै लिग विजेता बनेको हो । पिएसजीको यो लगातार तेस्रो लिग उपाधि हो । शनिबार ले हाभ्रे विरुद्ध ३-३ को बराबरी पछि पिएसजी मोनाको […]
April 28, 2024
एजेन्सी – इंग्लिस प्रिमियर लिगमा लगातार चौथो पटक उपाधि जित्ने लक्ष्यमा रहेको म्यानचेस्टर सिटीले आइतबार जित दर्ता गरेको छ । सिटी ग्राउण्डमा भएको खेलमा म्यानचेस्टर सिटीले नटिङ्घम फरेस्टलाई २–० ले पराजित गर्दै उपाधिको आशा कायमै राखेको हो । सिटीको जितमा डिफेन्डर जोस्को ग्भार्डियोल र दोस्रो हाफमा मैदान प्रवेश गरेका स्ट्राइकर एर्लिङ हालान्डले एक-एक गोल गरे […]
April 28, 2024
हिमाल खरेल, मेचीनगर झापाको बुद्धशान्तिमा जारी तेस्रो आदर्श च्यालेन्ज कपमा पाहुना टोली नर्थ बंगाल एफसी भारतलाई ३–१ ले हराउँदै बिर्तामोड युनाइटेड एफसी सेमिफाइनलमा प्रवेश गरेको छ । बिर्तामोडको जितमा आशिष चापागाईंले ह्याट्रिक पूरा गरे । पहिलो हाफको इन्ज्युरी समयमा गोल गर्दै बिर्तामोडले अग्रता लिएको थियो । मध्यभागबाट बिर्तामोडका डिफेन्डर देवेन्द्र तामाङले गरेको फ्रिकिकलाई हेडमार्फत अभिषेक […]