इलाम (हाम्रो खेलकुद) – चौथो संस्करणको मेची नेत्रालय मेचीनगर गोल्डकप फुटबल प्रतियोगिता आजदेखि सुरु हुदैछ ।

काँकडभिट्टा फुटबल ट्रेनिङ सेन्टर (केएफटिसी) को आयोजना हुने प्रतियोगिताको उद्घाटन खेलमा आयोजकले क्यामरुनको दाउफिन्फ फुटबल परिवारसँग प्रतिस्पर्धा गर्दै छ । खेल काँकडभिट्टा माविको खेल मैदानमा दिउसो ३ बजेपछि शुरु हुनेछ ।

प्रतियोगितामा विभिन्न १० टोलीको सहभागिता रहेको छ । सहभागी १० टोलीलाई दुई समूहमा विभाजन गरिएको छ । समूह ‘ए’ मा आयोजक मेची नेत्रालयसँगै दाउफिन्स, सिएमजी क्लब संकटा, नेपाल पुलिस क्लब र भुटानको पारो एफसी रहेको छ ।

समूह ‘बी’ मा धारन फुटबल क्लब, च्यासल युथ क्लब, त्रिभुवन आर्मी क्लब, माइभ्याली फुटबल क्लब र रुस्लान थ्री स्टार क्लब रहेका छन् ।

प्रतियोगिताको विजेताले १० लाख १ हजार रुपैया पाउनेछन् । दोस्रो हुनेले नगद ५ लाख १ हजार पाउनेछ । प्रतियोगिताको सर्वाेत्कृष्ट खेलाडीले नगद १ लाख १ हजार रुपैया हात पार्नेछन् ।

बेस्ट फरवार्ड, बेस्ट मिडफिल्ड, बेस्ट डिफेन्स, बेस्ट कोच, बेस्ट गोलकिपर र राइजिङ प्लेयरले जनही २१ हजार पाउने आयोजकले जनाएको छ ।

हरेक खेलको म्यान अफ दि म्याचले ११ हजार नगद पाउनेछ । प्रतियोगिताको फाइनल खेल २१ बैशाखमा हुनेछ ।