एजेन्सी – एकमात्र आत्मघाती गोलको मद्दतमा एट्लेटिको मड्रिड विजयी भएको छ ।
स्पेनिस ला लिगा अन्तरगत शनिबार राति भएको खेलमा एट्लेटिकोले आफ्नै मैदानमा भएको खेलमा रियल भालाडोलिडलाई १–० ले पराजित गरेको हो ।
खेलमा एट्लेटिकोले दवाव सिर्जना गरेपनि जितका लागि दोस्रो हाफमा आत्मघाती गोलको साहरा लिनुपरेको थियो ।
खेलको ६६औं मिनेटमा एन्टोइन ग्रिजमनको प्रहारलाई बचाउन खोज्दा जोआक्वीन फर्नान्डिजले आफ्नै पोस्टमा गोल गर्न पुगेका थिए । त्यसपछि पनि एट्लेटिकोले गोल गर्ने प्रयास गरेपनि असफल हुदा त्यही आत्मघाती गोल नै जितमा पर्याप्त बन्यो ।
यो जितसँगै बार्सिलोनाको उपाधि यात्रा लम्विएको छ । एट्लेटिको बराबरी वा पराजित भएको अवस्थामा बार्सिलोना चरा खेल अगवावै ला लिगा च्याम्पियन बन्ने थियो ।
एट्लेटिकोले शीर्षस्थानको बार्सिलोनासँगको अंक दुरी ६ मा झारेको छ । एट्लेटिकोको ३६ खेलबाट ७४ अंक पुगेको छ । एक खेल कम खेलेको बार्सिलोनाको ८० अंक छ ।
