काठमाडौं (हाम्रो खेलकुद) – एएफसी यू-१९ च्याम्पियन्सिपको छनोट चरण अन्तर्गत समूह ए को दोस्रो खेलमा नेपाल उज्बेकिस्तानसँग ४-० ले पराजित भएको छ ।
म्यानमारको मन्डलेस्थित मन्डलाथिरि रंगशालामा नेपाल पहिलो हाफमा १-० ले पछाडी परेको थियो । दोस्रो हाफमा उज्बेकिस्तानले ३ गोल थपेको थियो ।
प्रतियोगिताको पहिलो खेलमा अष्ट्रेलियासँग ११-१ को फराकिलो हार बेहोरेको नेपाल लगातार दोस्रो हारसँगै प्रतियोगिताबाट बाहिरिने सम्भावना बढेको छ ।
समूहको अर्को खेलमा आज अष्ट्रेलिया र म्यानमार खेल्दैछन् । म्यानमारले पहिलो खेलमा उज्बेकिस्तानलाई १-० ले पराजित गरेको थियो ।
